Hriăm ep ruĕ kahan bi hdơr 80 thŭn Krŭ kdơ̆ng mlan 8 leh anăn Hruê mkŏ mjing ala čar 2/9
Thứ sáu, 10:09, 22/08/2025
Pô mblang H'Zawut Ƀuôn Yă / VOV Tây Nguyên
Pô mblang H'Zawut Ƀuôn Yă / VOV Tây Nguyên
VOV.Êđê- Anôk bruă kriê dlăng bruă ep ruĕ kahan mkŏ mjing klei hriăm ep ruĕ kahan hlăm knăm bi hdơr 80 thŭn krŭ kdơ̆ng mlan 8 leh anăn 80 thŭn mkŏ mjing ala čar 2/9.
Hŏng êbeh 16.300 čô lĭng kahan, kahan ksiêm hŏng 43 êpul dôk dơ̆ng, 18 êpul êbat, 6 êpul êdeh lĭng kahan leh anăn 8 êpul êdeh kahan knhăk hgŭm hriăm mjuăt. Boh nik, mâo klei đru hgŭm mơ̆ng êpul lĭng kahan Russia, Lào leh anăn Campuchia, bi êdah jăk siam bruă hŏng bi hgŭm tač êngao kơ lĭng kahan mơ̆ng Việt Nam.
Leh tlâo mmông hriăm mjuăt, Đại tướng Phan Văn Giang, Khua phŭn bruă lĭng kahan, bi mni kơ ai tiê hriăm mjuăt leh anăn klei mĭn dŭm êpul, boh nik dŭm êpul dôk dơ̆ng krơ̆ng knhuah dôk dơ̆ng djŏ hnơ̆ng. Khua phŭn bruă bi êdah klei đăo knang, hlăm hruê mkŏ mjing, jih jang êpul kahan srăng bi leh jăk bruă klam pô.
Viết bình luận