Hruê 21/8, ti Anôk bruă Đảng gưl dlông, Khua gĭt gai Đảng Tô Lâm gĭt gai mmông mă bruă hŏng Anôk dlăng bruă Đảng ƀuôn prŏng Hà Nội leh anăn Anôk dlăng bruă Đảng ƀuôn prŏng Hồ Chí Minh čiăng brei klei blŭ hlăm hră čih hră mơar, hdră mnuih mă bruă hưn hŏng Klei bi kƀĭn Đảng dua ƀuôn  prŏng.

Klah čŭn mmông mă bruă, Khua gĭt gai Đảng Tô Lâm mñă klă, dua anôk bruă Đảng brei thâo săng êlam bruă klam mdê hjăn mơ̆ng ƀuôn prŏng phŭn leh anăn ƀuôn prŏng Hồ Chí Minh, mbĭt anăn bi êdah bruă klam hŏng kluôm ala. Khua gĭt gai Đảng Tô Lâm mtă kơ Anôk bruă Đảng ƀuôn prŏng Hà Nội leh anăn  Anôk bruă Đảng ƀuôn prŏng Hồ Chí Minh tŭ mă klei blŭ mơ̆ng phung khua hlăm Phŭn bruă kđi čar; mguôp klei blŭ mơ̆ng dŭm Phŭn, dhar bruă čiăng bi leh boh phŭn hră mơar, mkŏ mjing tŭ jing Klei bi kƀĭn Đảng wưng 2025 - 2030. Mbĭt anăn, mkŏ mjing hdră ngă bruă klă klơ̆ng, mâo klei dưi ngă, kñăm rơ̆ng hlue ngă tŭ dưn klei kñăm, hnơ̆ng kčah Klei bi kƀĭn, đru hlăm klei đĭ kyar mbĭt mơ̆ng lăn čar.