Anei jing hdră êran găn jih djăp anôk hlăm ala čar Việt Nam kyua EEpul hgŭm êdam êra gưl dlông pŏk ngă, ktuê êlan Duôr Čư̆ Prŏng, kkuh drông 80 thŭn krŭ kdơ̆ng mlan 8 leh anăn Mphŭn mkŏ mjing ala čar 2/9. Hdră ba lu klei bi hdơr mgei ai tiê kơ phung dôk dlăng hŏng klei đru mguôp mơ̆ng NSND Nguyễn Thị Thanh Thúy, pô mmuñ Võ Hạ Trâm, Phương Thanh, Suboi, Hồ Lê Ngân Hà hŏng lu phung čih mkra klei mmuñ mda asei.

Dŭm klei mmuñ mrâo msĕ si “ Ênhiang Hò kpưn đĭ”, “Made in Vietnam”, “Sang kâo yuôl sa hla čhiăm gru” bi mguôp hŏng klei mmuñ kơ klei krŭ kdơ̆ng “Mkŏ kwang kngan prŏng”, “Phung mniê pŏk êlan”, “Hdơr knga kơ amai Võ Thị Sáu” mjing leh sa  klei kdŏ mmuñ kdrưh kơăm, mda asei. Dak Lak jing leh anôk jưh jơ̆ng tal dua mơ̆ng gưl êdeh êdei kơ ƀuôn prŏng Hồ Chí Minh.  Hdră srăng lŏ dơ̆ng truh ti  Đà Nẵng, Huế, Quảng Trị, Nghệ An, Phú Thọ leh anăn Hà Nội.