Khua lăn čar drông Khua kiă kriê Êpul hgŭm đru kčĕ bruă mnia mblei APEC 2025
Thứ tư, 10:47, 16/07/2025
Pô mblang H'Nêč Êñuôl / VOV Tây Nguyên
Pô mblang H'Nêč Êñuôl / VOV Tây Nguyên
VOV4.Êđê- Tlam hruê 15/7, hlăm hdră Klei bi kƀĭn tal 3 Êpul hgŭm đru kčĕ bruă Mnia mblei APEC (ABAC III), Khua lăn čar Lương Cường bi tuôm hŏng Hyun Sang Cho – Khua kiă kriê ABAC 2025, Kơiăng khua Êpul grŭp Hyosung (Dhŭng Korea).
Khua lăn čar tĭng dlăng ABAC III jing wưng yuôm bhăn čiăng kơ êpul êya anôk bruă duh mkra đru mguôp kơ Klei bi kƀĭn gưl dlông APEC 2025 ti Dhŭng Korea. Khua lăn čar đăo knang, Việt Nam srăng đru mguôp hlăm mta phŭn klei bi kƀĭn, mtrŭt mđĭ kyar hơĭt kjăp lehanăn mĭn mjing mrâo kơ êdei anăp hdră duh mkra pŏkmlar kơ kluôm krĭng Asi – Pacifik.
Bi yuôm hdră duh bi liê mơ̆ng Êpul grŭp Hyosung ti Việt Nam, Khua lăn čar mñă Việt Nam bi mni kơ phung duh bi liê hlăm kdrăp mrâo, bi mlih mrô. Khua lăn čar akâo kơ Hyun Sang Cho srăng lŏ jing kdrông mkŏ mtrŭt mđĭ hdră bi hgŭm plah wah anôk bruă duh mkra Việt Nam lehanăn dŭm ƀĭng hgŭm ti krĭng wăl, đru mguôp yuôm bhăn hlăm klei bi mjĕ hgŭm bruă dua nah lehanăn lu tĭng./.
Viết bình luận