Hlăm dua hruê 14 lehanăn 15/7, bruă Đảng ƀuôn hgŭm Đơn Dương (čar Lâm Đồng) mkŏ mjing tŭ dưn leh Klei bi kƀĭn phung bi ala tal I, wưng thŭn 2025–2030. Anei jing Klei bi kƀĭn prŏng gưl ƀuôn hgŭm tal êlâo dưi mkŏ mjing leh hdră bi mŭt čar lehanăn ba yua anôk bruă knŭk kna dua gưl mơ̆ng hruê 1/7. Kơiăng khua knŭk kna Nguyễn Hòa Bình gĭt gai leh Klei bi kƀĭn, mă klei hriăm, hưn mthâo gru hmô mkŏ mjing Klei bi kƀĭn truh kơ 123 ƀuôn hgŭm hlăm kluôm čar.

Phung bi ala bi mni hdră mprăp mơ̆ng Anôk kriê dlăng bruă Đảng čar lehanăn bruă Đảng ƀuôn hgŭm Đơn Dương. Blŭ ti knăm anei, kơiăng khua knŭk kna Nguyễn Hòa Bình mñă, klei bi kƀĭn amâo djŏ jing hdră kđi čar mơ̆ng Đảng ƀiădah lŏ mjing ai êwa mrâo hlăm mnuih ƀuôn sang.  Êlâo kơ Klei bi kƀĭn, brei mtrŭt mjhar dŭm hdră bi lông ktưn, hdră kkuh mơak yuôm bhăn, amâo djŏ mơ̆ng phŭn duh bi liê knŭk kna ƀiădah wăt êngao knŭk kna, đru mjing boh kdrŭt mđĭ kyar alŭ wăl leh mkŏ dăp./.