K’iăng Khua knŭk kna Lê Thành Long drông pô bi ala Anglei ti Việt Nam Iain Frew
Thứ sáu, 11:21, 08/08/2025
VOV TAYNGUYEN
VOV TAYNGUYEN
VOV.Êđê- Tlam mbruê 7/8, ti anôk bruă knŭk kna, k’iăng Khua knŭk kna Lê Thành Long drông leh pô bi ala mơ̆ng Angle ti Việt Nam Iain Frew, mbĭt hŏng êpul bi ala sang hră gưl prŏng Southampton,, sa hlăm 100 sang hră gưl prŏng mrô 1 tar rŏng lăn leh anăn Êpul gru mtô mjuăt tar rŏng lăn Navitas.
Hlăm mmông tŭ drông pô bi ala Angle, k’iăng Khua knŭk kna Lê Thành Long brei thâo Việt Nam dlăng yuôm kơ bruă mđĭ hnơ̆ng klei mjĕ giăm bi mguôp hdră êlan Việt Nam – Angle, hlăm anăn bi mguôp bruă mtô mjuăt bi hriăm mâo bruă klam yuôm bhăn. Việt Nam ăt mđing iêo jak sang hră gưl prŏng tar rŏng lăn, mkŏ mjing dŭm anôk bruă, mđing truh mta kñăm truh thŭn 2030 mâo thiăm biă êdi dua anôk bruă mơ̆ng dŭm sang hră mrô 1 tar rŏng lăn.
Pô bi ala Iain mñă ktang: Mtô mjuăt bi hriăm jing kmeh gơ̆ng bi mguôp dua tĭng, hŏng 12.000 čô hriăm gưl prŏng Việt Nam dôk hriăm ti Angle, mbĭt anăn ƀuăn đru kơ Việt Nam mđĭ kyar mnuih mă bruă hnơ̆ng tŭ jăk.
Viết bình luận