Ƀri bi hdơr 100 thŭn bruă klei mrâo Cách mạng Việt Nam (21/6), tlam 11/6, čar Dak Lak mkŏ mjing leh Knăm jao klei pah mni bruă klei mrâo čar DakLak thŭn 2024 lehanăn ksiêm wĭt 5 thŭn mkŏ mjing klei bi lông anei. Klei bi lông bruă klei mrâo čar Dak Lak mkŏ mjing mơ̆ng thŭn 2021, jao klei pah mni hlăm grăp gưl kơ bruă klei mrâo êdah êdi mơ̆ng thŭn êlâo anăn.

Leh 5 thŭn mkŏ mjing, mâo giăm 600 klei ba bi lông mơ̆ng phung mă bruă klei mrâo. Hlăm thŭn anei, mâo 96 klei čih mŭt hlăm tuôr bi lông knhal tuič. Ti hdră anei, Êpul hgŭm brei klei pah mni bruă klei mrâo čar Dak Lak jao leh 49 klei pah mni kdlưn hĭn. Anôk bruă sang čư̆ êa čar Dak Lak ăt pah mni kơ 1 êpul lehanăn 7 čô mâo boh tŭ êdah êdi hlăm hdră mkŏ mjing klei pah mni anei. VOV Lăn dap kngư dưi mâo 7 klei pah mni hlăm hdră mđung asăp, hlăm anăn mâo 1 mta A, 1 mta B./.