Ti klei bi lông phung hđeh hriăm thâo ala čar, Dak Lak mâo 72 klei pah mni, hlăm anăn mâo 2 klei pah mni mrô Sa. Anei jing boh tŭ kdlưn êdi mơ̆ng êlâo adih truh kơ ară anei, dôk mrô 16 kluôm ala, lŏ dơ̆ng krơ̆ng kjăp jing čar ba akŏ hlăm dŭm čar krĭng ktuê hang ksĭ kwar krah lehanăn Lăn dap kngư.

Boh nik, mâo 4 čô hđeh dưi ruah mŭt hlăm êpul bi lông hđeh hriăm thâo mơ̆ng ala čar nao ti Klei bi lông Olympic krĭng wăl lehanăn tar rŏng lăn thŭn 2025; 1 čô hđeh kdrưh dưi bi ala Việt Nam nao ti Klei bi lông Olympic Tin học Asi – Pacifik. Ti knăm anei, khua kiă kriê čar Dak Lak čih yap lehanăn bi mni kơ dŭm klei gĭr mơ̆ng phung nai lehanăn hđeh hriăm hră thŭn êgao, mtă kơ Anôk bruă Sang hră mơar mtô bi hriăm čar lŏ dơ̆ng mđĭ lar boh tŭ dưi mâo, mđing mđĭ hnơ̆ng tŭ jăk hdră mtô bi hriămkluôm dhuôm lehanăn hlăm dŭm klei bi lông phung hđeh hriăm thâo gưl čar./.