Hluê anăn, mơ̆ng hruê 21 - 24/6, dŭm alŭ wăl srăng nao ngă bruă ti anôk bruă mrâo, mkŏ wĭt mnuih mă bruă. Mơ̆ng hruê 25–26/6, srăng ba yua klei bhiăn – klei ngă hră mơar mrâo mơ̆ng Anôk bruă Đảng, Êpul gơ̆ng bruă ƀuôn sang, Anôk bruă sang čư̆ êa lehanăn Anôk bruă mặt trận să. Hlăm wưng lông hluê ngă anei, bruă Đảng să mkŏ mjing leh Klei bi kƀĭn Anôk kriê dlăng, čih mkra hdră ngă bruă hlăm dŭm mlan tal êlâo lehanăn ba mdah klei bhiăn mă bruă mrâo.

Êpul gơ̆ng bruă ƀuôn sang mprăp kơ Klei bi kƀĭn tal êlâo, Anôk bruă sang čư̆ êa srăng ba yua “klei bhiăn sa ƀăng bhă”, msir mghaih klei tŭ drông, ba yua phần mềm kriê dlăng anôk bruă. Bruă mặt trận srăng mkŏ mjing dŭm hdră bruă klă klơ̆ng. Aguah 1/7, dŭm kdriêk, wăl krah, ƀuôn prŏng srăng mđrăm mbĭt mkŏ mjing knăm hưn mthâo bruă mkŏ mjing anôk bruă knŭk kna gưl să mrâo. Čiăng rơ̆ng wưng hluê ngă, bruă Đảng čar mkŏ mjing leh Êpul bruă đru mbĭt hŏng dŭm alŭ wăl kñăm bi hgŭm rơ̆ng klei êđăp ênang, tŭ dưn, msir mghaih jih kleikpăk dôk mâo./.