
Hluê si bruă Đảng čar Kon Tum, truh kơ ară anei, gưl bruă Đảng nah gŭ, anôk bruă, alŭ wăl hlăm čar dưi bi leh dŭm mta phŭn dưi bi êdah hlăm dŭm klei bi klă mơ̆ng Phŭn bruă kđi čar, Êpul khua bruă Đảng kơ bruă mkŏ dăp anôk bruă knŭk kna dŭm gưl, mkŏ jing bruă sang čư̆ êa alŭ wăl 2 gưl.

Hlăm mmông bi tuôm hŏng phung khua kiă kriê 40 ƀuôn hgŭm mrâo, Khua bruă Đảng čar Kon Tum Dương Văn Trang mñă klă, bruă tiŏ nao, mbha bruă klam knuă druh ngă khua kiă kriê dŭm ƀuôn hgŭm mrâo mâo leh Êpul khua bruă Đảng čar ksiêm dlăng, ruah hluê si dŭm hnơ̆ng čuăn, mâo klei êngiê. Bruă ruah phung khua kiă kriê ăt kyua mta kñăm đĭ kyar mơ̆ng ƀuôn hgŭm. Khua bruă Đảng čar Kon Tum Dương Văn Trang hmăng hmưi, phung khua kiă kriê 40 ƀuôn hgŭm hŏng bruă klam gĭt gai, ktrâo lač, kiă kriê čiăng kơ ƀuôn hgŭm đĭ kyar.
Viết bình luận