Hlăm 124 anôk bruă sang čư̆ êa gưl ƀuôn hgŭm mơ̆ng čar Lâm Đồng mâo 113 anôk bruă bi klă dưi mđĭ ênoh mnuih mă bruă, đa đa mâo anôk  čiăng lŏ mâo truh 12 čô knuă druh. Hlăm ênoh êbeh 400 čô knuă druh mâo čar mĭn tĭng srăng nao mă bruă đru kơ ƀuôn hgŭm, mâo 93 čô knuă druh thơ̆ng kơ bruă klei hưn mthâo mrâo mrang, 68 čô knuă druh ngăn dŏ leh anăn wăl hdĭp mda, 42 čô tĭng mkă, 35 čô knuă druh bruă mkŏ mkra, 34 čô knuă druh hdră bhiăn – hră gŏ êsei… bĭt hŏng knuă druh thơ̆ng kơ bruă hlăm dŭm bruă mkăn.

Bruă lŏ tiŏ nao knuă đru čar kơ ƀuôn hgŭm dưi yap leh, kyua leh sa mlan ngă bruă sang čư̆ êa alŭ wăl dua gưl, lu ƀuôn hgŭm kƀah knuă druh thơ̆ng kơ bruă. Đa đa anôk bruă gưl kdriêk hđăp dăp knuă druh kơ ƀuôn hgŭm amâo mâo mâo bi kna, anôk kƀah, anôk êbeh. Mâo anôk knuă druh thơ̆ng kơ bruă ka ngă jăk bruă klam dưi jao.