Hlăm dua hruê 14 lehanăn 15/6, Klei bi kƀĭn online mjuăt bi hriăm kơ hdră thơ̆ng kơ bruă djŏ tuôm kơ êpul bruă mkŏ mkra Đảng, kriê dlăng knŭk kna, hdră mkŏ mjing lehanăn hdră mă bruă mơ̆ng Anôk bruă mặt trận čar kwar, dŭm êpul bruă kđi čar ti gưl să (mrâo) mkŏ mjing leh, hŏng giăm 11.000 anôk mkŏ mjing lehanăn 1,5 êklăk čô bi ala nao hgŭm. Hdră anei mđing kơ dŭm bruă djŏ tuôm kơ hdră mkŏ mjing bruă knŭk kna alŭ wăl 2 gưl, mđĭ boh tŭ hdră mă bruă mơ̆ng anôk bruă kđi čar nah gŭ.

Blŭ hrăm klah čŭn knăm anei, Khua knŭk kna Phạm Minh Chính mñă, mta kñăm prŏng jing rơ̆ng kjăp klei êđăp ênang, klei dưi kiă kriê kluôm krĭng lăn, mkra mđĭ klei hdĭp mnuih ƀuôn sang. Khua knŭk kna mtă kơ bruă knŭk kna alŭ wăl brei bi mlih jing hdră čŏng pômă bruă, mĭn mrâo, mkăp hdră ngă bruă tŭ dưn kơ mnuih ƀuôn sang. Mbĭt anăn, dŭm gưl bruă Đảng, bruă knŭk kna dŭm gưl brei ksiêm dlăng klei mâo, mđing hmư̆ klei blŭ mnuih ƀuôn sang, mđĭ hdră nao ksiêm dlăng gưl nah gŭ, msir mghaih pral klei ngă hră mơar, klei kčŭt hưn hŏng klei đua klam lehanăn tŭ dưn./.