Khua gĭt gai Đảng Tô Lâm mñă kơ êpul kahan ksiêm nao êlâo hlăm bruă hluê hriăm, tui ngă gru mgač Awa
Thứ ba, 09:39, 20/05/2025
VOV TAYNGUYEN
VOV TAYNGUYEN
VOV4.Êđê- Tlam mbruê 19/5, ti Hà Nội, Khua gĭt gai Đảng Tô Lâm nao hgŭm leh anăn blŭ gĭt gai klei kƀĭn trông ksiêm wĭt 10 thŭn hluê ngă asăp mtrŭn mrô 05 mơ̆ng Phŭn bruă kahan ksiêm kơ bruă mtrŭt mđĭ klei tui hriăm leh anăn hluê ngă gru mngač Hồ Chí Minh leh anăn bi klă boh tŭ dưn hluê ngă klei čuăn mrô 09 mơ̆ng Bruă Đảng kahan ksiêm gưl dlông kơ klei hluê hriăm, tui ngă 6 mta klei Awa Hồ mtô kahan ksiêm yang ƀuôn.
Blŭ hrăm hlăm klei kƀĭn, Khua gĭt gai Đảng Tô Lâm mñă ktang, êpul kahan ksiêm yang ƀuôn srăng amâo mâo mdei mtrŭt mđĭ bruă hluê hriăm, tui ngă gru mngač Hồ Chí Minh, ngă tŭ dưn 6 mta klei Awa mtă kơ kahan ksiêm yang ƀuôn.
Khua gĭt gai Đảng Tô Lâm lač klă, grăp anôk bruă đảng, khua gĭt gai, knuă druh, lĭng kahan mâo leh klei gĭr čiăng lŏ gĭr hĭn, gĭr lu hĭn. Mlih mrâo klei mĭn, knuih hdĭp, hdră êlan mă bruă, bi leh jăk djăp bruă klam jao kơ pô, mbĭt hŏng Đảng, jih jang mnuih ƀuôn sang mkŏ mjing lăn čar Việt Nam êđăp ênang, hluh hlir, êngiê leh anăn mdrŏng ktang, đru hlăm bruă cách mạng tar rŏng lăn msĕ hŏ klei hmăng hmưi mơ̆ng khua gĭt gai Hồ Chí Minh leh anăn klei hmăng hmưi mơ̆ng djuê ana.
Viết bình luận