Dŭm klang anei mâo êpul K52 ( knơ̆ng gĭt gai lĭng kahan čar Gia Lai) tui duah, bi kƀĭn hlăm yan bhang 2024 – 2025 ti 3 čar Dưr Campuchia. Yap truh ară anei, êpul K52 dưi bi kƀĭn leh anăn ba wĭt jih jang 1.512 klang lĭng kahan djiê êngiă, bi êdah klei gĭr amâo mâo mdei hlăm bruă hdơr kơ phung leh êbuh  kyua bruă klam yuôm bhăn.

Knăm čang ênuh mkŏ mjing hlăm klei kdrưh kơăm leh anăn mgei ai tiê, mâo klei nao hgŭm mơ̆ng khua gĭt gai čar Gia Lai, čar Preah Vihear, bi ala Êpul lĭng kahan Campuchia, dŭm êpul, dhar bruă, êpul kahan alŭ wăl mbĭt hŏng mnuih ƀuôn sang. phung bi ala hŏng klei mpŭ myơr brui mgưi, kwang mnga, bi êdah klei hdơr knga ti anăp klei săn asei mơ̆ng phung anak êdah êdi mơ̆ng lăn čar, kyua klei êđăp ênang leh anăn klei bi hgŭm plah wah djuê ana Việt Nam – Campuchia.