Aguah anei (24/5), ti Sang čang ênuh Ala čar, mrô 5 Trần Thánh Tông, ƀuôn prŏng Hà Nội, Anôk kriê dlăng bruă Đảng Cộng sản Việt Nam gưl dlông, Anôk bruă kƀĭn ala mơ̆ng ala čar Việt Nam, Khua lăn čar Việt Nam, Knŭk kna ala čar Việt Nam, Dhar bruă Mặt trận čar kwar Việt Nam mkŏ mjing leh Knăm čang ênuh Khua lăn čar hđăp Trần Đức Lương hŏng klei bhiăn čang ênuh ala čar.

             - Djă akŏ êpul čang ênuh, Êpul kriê dlăng bruă Đảng Cộng sản Việt Nam mâo Tô Lâm, Khua gĭt gai Đảng, ngă Khua êpul nao čang ênuh Khua lăn čar hđăp Trần Đức Lương.

             - Kkuh bi ktlah hŏng Khua lăn čar hđăp Trần Đức Lương, Khua gĭt gai Đảng Tô Lâm čih hlăm hră čang ênuh snei: "Bŏ hŏng klei hnĭng ênguôt kơ Trần Đức Lương – sa čô đảng viên Cộng sản sĭt suôr, sa čô khua kiă kriê thâo, knhâo, sa čô mnuih êdah kdlưn mơ̆ng ƀuôn sang Quảng Ngãi jhŏng ktang, jiă knhuah gru cách mạng.

             - Trần Đức Lương myơr leh jih klei hdĭp pô kơ hdră bruă cách mạng mơ̆ng Đảng lehanăn djuê ana. Hlăm djăp mta bruă mă, ñu bi êdah klei thâo kjăp hlăm bruă kđi čar, mâo knhuah hdĭp jăk ênang, jĕ giăm hŏng ƀĭng kna, hŏng ayŏng adei, hŏng mnuih ƀuôn sang… mâo ƀĭng găp, ayŏng adei dĭng kna lehanăn mnuih ƀuôn sang khăp lehanăn mpŭ.

             - Ñu đuê̆ nao jing sa klei luič liê prŏng hŏng Đảng, Knŭk kna lehanăn mnuih ƀuôn sang drei. Hŏng klei mpŭ dôk ti anăp mnguh mngăt mơ̆ng Ñu lehanăn ba mơĭt kơ gŏ sang, găp djuê Ñu asăp bi juh prŏng êdi.

             -Êpul khua kiă kriê ala čar Việt Nam mâo Lương Cường, Khua hlăm Phŭn bruă kđi čar, Khua lăn čar Việt Nam ngă Khua êpul nao čang ênuh leh Khua lăn čar hđăp Trần Đức Lương. 

             - Êpul knŭk kna ala čar Việt Nam mâo Phạm Minh Chính, Khua hlăm Phŭn bruă kđi čar, Khua knŭk kna ala čar Việt Nam ngă Khua êpul nao čang ênuh leh Khua lăn čar hđăp Trần Đức Lương. 

             - Êpul Anôk bruă kƀĭn ala mơ̆ng ala čar Việt Nam mâo Trần Thanh Mẫn,, Khua hlăm Phŭn bruă kđi čar, Khua Anôk bruă kƀĭn ala mơ̆ng ala čar Việt Nam ngă Khua êpul nao čang ênuh leh Khua lăn čar hđăp Trần Đức Lương.

             -Êpul Dhar bruă mặt trận čar kwar Việt Nam mâo Đỗ Văn Chiến, Khua hlăm Phŭn bruă kđi čar, Khua hlăm anôk bruă Đảng, Khua Dhar bruă mặt trận čar kwar Việt Nam ngă Khua êpul nao čang ênuh leh Khua lăn čar hđăp Trần Đức Lương.

-Knăm čang ênuh kơ Trần Đức Lương mâo mkŏ mjing hlăk 7 h 00 hrue 25/5/2025 ti sang čang ênuh ala čar, mrô 5 Trần Thánh Tông, ƀuôn prŏng Hà Nội. Knăm dơr djiê mkŏ mjing 15h00 hrue anăn mơh ti msat ƀuôn sang ñu pô, ti să Phổ Khánh, wăl krah Đức Phổ, čar Quảng Ngãi.