Tlam (23/5), Kơiăng khua knŭk kna Lê Thành Long mă leh bruă hŏng Phŭn bruă Sang hră mơar kơ klei čih mkra Hdră mtrŭn kah mbha klei dưi mơ̆ng bruă sang čư̆ êa alŭ wăl hlăm bruă mtô bi hríăm hluê gru hmô mkŏ mjing bruă knŭk kna dua gưl lehanăn klei čih mkra Hdră mtrŭn kơ bruă kah mbha gưl, klei dưi hlăm hdră kriê dlăng Knŭk kna hlăm bruă mtô bi hriăm.

Ti anôk bi kƀĭn, dŭm phŭn, dhar bruă bi mni klei gĭr mơ̆ng Phŭn bruă Sang hră mơar, jing Phŭn bruă tal êlâo ba mơĭt klei čih mkra Hdră mtrŭn kơ Phŭn bruă kriê dlăng Hdră bhiăn čiăng bi mklă. Klah čŭn ti anôk bi kƀĭn, kơiăng khua knŭk kna Lê Thành Long mtă kơ Phŭn bruă Sang hră mơar ksiêm dlăng jih bruă klam ară anei lehanăn hưn klă klei dưi mơ̆ng grăp gưl. Kơiăng khua knŭk kna ăt jao kơ Phŭn bruă Sang hră mơar lŏ ksiêm dlăng mđĭ klei dưi kơ gưl să. Hŏng dŭm bruă klam hlăm hdră anei, gưl nah gŭ srăng dưi ngă lu bruă hĭn. Kơiăng khua knŭk kna tŭ ư leh kơ dŭm mta hlăm bruă jao klei dưi mơ̆ng Knŭk kna, Khua knŭk kna kơ Phŭn bruă Sang hră mơar./.