Klah čŭn mmông mă bruă, Khua lăn čar Lương Cường čih pioh lehanăn bi myuôm bruă klam. Klei sa ai, klei mbruă mơ̆ng bruă Đảng čar Quảng Ninh hlăm bruă ksiêm duah, bi kjăp, hlue ngă hŏng klei klă mngač jih jang hdră mtrŭn mơ̆ng gưl dlông 11, mjing klei bi sa ai, hlăm phung knuă druh, đảng viên lehanăn jih jang mnuih ƀuôn sang. Mbĭt hŏng anăn mâo dŭm ênoh čuăn mđĭ kyar bruă duh mkra, ala ƀuôn krơ̆ng ti hnơ̆ng prŏng, răng mgang kjăp klei êđăp ênang bruă kđi čar, klei êđăp ênang yang ƀuôn.

Khua lăn čar đăo knang, hŏng klei mlih mrâo, lehanăn mbruă, mâo ai tiê kjăp lehanăn klei gĭt prŏng mơ̆ng kđi čar. Bruă Đảng, bruă sang čư̆ êa lehanăn lĭng kahan lehanăn mnuih ƀuôn sang čar Quảng Ninh lŏ dơư̆ng dưn yua jih boh tŭ dưn leh mâo, hlue ngă tŭ jing hdră mtrŭn klei bi kƀĭn gưl dlông tal 11gưl 13, mkŏ mjing hră mơar, lehanăn dăp mnuih kơ klei bi kƀĭn prŏng bruă Đảng čar bi kjăp, đru mguôp yuôm bhăn kơ klei bi kƀĭn prŏng Đảng kluôm ala 14./.