Ti knăm anei, Khua Anôk bruă kƀĭn ala hưn mthâo leh boh tŭ Klei bi kƀĭn tal 9, Anôk bruă kƀĭn ala gưlXV lehanăn mblang klă kơ hdră bi mŭt čar, ƀuôn prŏng jing sa hdră bruă hƀuê ênuk, kñăm bi khuăt anôk bruă, mđĭ boh tŭ hdră kriê dlăng, mkăp jăk hĭn kơ mnuih ƀuôn sang lehanăn anôk bruă duh mkra.

Khua Anôk bruă kƀĭn ala mtă kơ Cần Thơ mtrŭt mđĭ hdră mtô mblang, đru kơ mnuih ƀuôn sang thâo klă mta kñăm, boh tŭ yuôm mơ̆ng hdră bi mŭt mbĭt. Mbĭt anăn, mđĭ lar klei găl mâo mơ̆ng alŭ wăl, bi đru mđĭ kyar bruă duh mkra – ala ƀuôn, mkra mđĭ klei hdĭp mnuih ƀuôn sang. Čiăng dưi mâo mta kñăm ala čar mâo hnư hrui wĭt đĭ hlăm thŭn 2030, Cần Thơ brei mâo hnơ̆ng đĭ kyar bruă duh mkra mơ̆ng 8% kơ dlông lehanăn đĭ 2 ênoh mrô hlăm wưng thŭn 2026 – 2030, bi knar hŏng hnơ̆ng đĭ kyar kah knar mơ̆ng kluôm ala čar./.