Aguah (13/8), Khua gĭt gai Đảng Tô Lâm leh anăn mô̆ ñu hŏng Êpul bi ala gưl dlông Việt Nam đuĕ mơ̆ng ƀuôn prŏng phŭn Seoul nao ti ƀuôn prŏng Busan lŏ dơ̆ng ngă bruă hlăm jar gưl nao čhưn knŭk kna ti Dhŭng Korea. Truh ti ƀuôn prŏng Busan, Khua gĭt gai Đảng  Tô Lâm drông leh Khua Anôk bruă bi ala hđăp kơ Việt Nam Park Soo Kwan ti Dhŭng Korea.

 Khua gĭt gai Đảng  Tô Lâm  brei thâo, hŏng klei kñăm mđĭ klei hŏng tač êngao Việt Nam ti krĭng Dhŭng Dhŭng Korea, mbĭt anăn ngă djŏ klei čiăng ƀrư̆ lu mơ̆ng êpul êya mnuih Việt Nam leh anăn dŭm ƀĭng hgŭm tinăn, Phŭn bruă hŏng tač êngao Việt Nam bi mklă mkŏ mjing Anôk bruă bi ala Việt Nam ti ƀuôn prŏng Busan. Čiăng kơ bruă knuă mơ̆ng Anôk bruă bi ala Việt Nam ti ƀuôn prŏng Busan dưi pŏk ngă găl jăk leh anăn tŭ dưn, Khua gĭt gai Đảng  čang hmăng Park Soo Kwan lŏ dơ̆ng mđing dlăng, đru leh anăn mjing djăp klei găl kơ  Anôk bruă bi ala knŭk kna Việt Nam ti ƀuôn prŏng Busan, Dhŭng Korea hlăm wưng kơ anăp.