Hlăm 4 hruê ti Dhŭng Korea, Khua gĭt gai Đảng Tô Lâm mâo leh dŭm hdră mă bruă lu jơr hŏng dŭm klei blŭ hrăm, bi tuôm hŏng phung Khua gĭt gai gưl dlông Dhŭng Korea, phung khua bruă knŭk kna, bruă duh mkra, dhar kreh, phung kreh knhâo, bi tuôm hŏng êpul êya mnuih Việt Nam ti Dhŭng Korea leh anăn phung mah jiăng Dhŭng Korea khăp kơ Việt Nam.

Boh tŭ dưn gưl nao čuă anei, dua tĭng bi klă 50 hră mơar bi mguôp plah wah dŭm Phŭn, dhar bruă, êpul bruă, knơ̆ng bruă leh anăn dŭm alŭ wăl dua ala čar kơ klei bi mguôp dŭm mta bruă leh anăn mđĭ hĭn klei bi mguôp plah wah dŭm alŭ wăl mơ̆ng Việt Nam hŏng dŭm knơ̆ng bruă Dhŭng Korea. Dŭm boh tŭ dưn yuôm bhăn dưi mâo hlăm gưl nao čuă jing leh kmeh gơ̆ng pŏk kơ hdră êlan mrâo mơ̆ng klei mjĕ giăm ƀĭng hgŭm bi mguôp hdră êlan kluôm dhuôm plah wah dua ala čar hlăm ênuk mrâo.