Hlue si Anôk bruă mkŏ mjing, dŭm bruă êdah êdi mâo klei mrâo lač hlăm wưng êgao kƀĭn hlăm bruă pŏk ngă gru hmô bruă sang čư̆ êa 2 gưl, amâo uêñ kơ dŭm hdră bruă êlan klông, bruă kriê dlăng mnơ̆ng rŭ mdơ̆ng, klei ŭn ruă tian leh anăn klei djŏ mta ruă êpul lu ƀơ̆ng ƀêñ mi ti să Mdrak. Kơ dŭm boh phŭn anei, khua gĭt gai dŭm Knơ̆ng, dhar bruă djŏ tuôm mâo leh klei wĭt lač klă klơ̆ng leh anăn mâo hdră msir bi djŏ guôp.

  Djŏ tuôm kơ klei čih “Klei dleh dlan mâo leh 15 hruê ba yua bruă sang čư̆ êa 2 gưl ti Dak Lak” čih hlăm VOV, khua gĭt gai dŭm alŭ wăl djŏ tuôm bi mni kơ VOV lač leh djŏ kơ bruă mâo. Nguyễn Tự Do,  K’iăng Khua Knơ̆ng bruă sang čư̆ êa să Quảng Phú brei thâo, dŭm klei dleh dlan klei mrâo lač leh, dưi msir mgaih, bruă ngă ti să klă klơ̆ng kjăp. Hlăm klei bi kƀĭn bruă klei mrâo, khua gĭt gai čar Dak Lak ăt hâo hưn kơ hdră msir mđĭ lar bruă duh mkra êa ksĭ, dliê leh anăn hdră kčah pŏk ngă lu hdră bruă phŭn.