Khua knŭk kna mñă Việt Nam srăng bi trông klei thâo kơ klei mkra mlih, lŏ bi mlih anôk bruă Knŭk kna, hưn mthâo hră mơar hdră bhiăn leh anăn hdră kčah kriê dlăng, ăt msĕ mơh hdră êlan iêô mkrum prăk bi liê leh anăn kriê dlăng duh bi liê; mtă kơ dua tĭng mkŏ mjing klei bhiăn bi trông nanao plah wah dŭm anôk bruă djŏ tuôm, boh nik bruă bi trông klei thâo boh sĭt ti dŭm Knơ̆ng bruă Êpul grup knŭk kna Việt Nam srăng đru mjing klei dlăng kluôm, êlam čiăng ba yua bi djŏ guôp hŏng boh sĭt mơ̆ng Lào.

K’iăng Khua knŭk kna Lào Saleumxay Kommasith mñă klă hlăm hdră mkŏ mjing bruă duh mkra êngiê, Lào bi hgŭm kjăp leh anăn čang hmăng hriăm klei thâo yuôm bhăn mơ̆ng Việt Nam, boh nik hlăm bruă kriê dlăng leh anăn mđĭ kyar anôk bruă duh mkra knŭk kna, gru hmô kriê dlăng mrâo, mđing mkŏ mjing bruă duh mkra Lào ba yua tŭ dưn, hơĭt kjăp.