Blŭ hrăm hlăm klei kƀĭn, Khua knŭk kna Phạm Minh Chính lač, krĭng mnuih djuê ƀiă leh anăn krĭng čư̆ čhiăng jing anôk adôk dleh dlan kơ bruă mdrao mgŭn, sang hră mơar, bi doh wăl hdĭp mda, hdră duh ƀơ̆ng…Kyuanăn srăng dlăng klă kơ bruă dưi ngă, dŭm bruă ka dưi ngă, hmao mgaih msir, mă klei hriăm čiăng gĭt gai jăk hĭn čiăng ba wĭt klei hdĭp jăk kơ mnuih ƀuôn sang.

Khua knŭk kna hmăng hmưi hlăm wưng păn bruă kơ anăp, bruă hluê ngă hdră ala čar kñăm mđĭ kyar bruă duh mkra ala ƀuôn krĭng mnuih djuê ƀiă leh anăn krĭng čư̆ chiăng srăng dưi ngă jăk hĭn, ngă bruă truăn hĭn, tŭ dưn hĭn, mlih mrâo hdră mkŏ mjing, mâo mta kñăm, ya bruă mă bi leh bruă anăn čiăng ba wĭt klei hdĭp jăk hĭn kơ mnuih ƀuôn sang krĭng mnuih djuê ƀiă leh anăn krĭng čư̆ čhiăng.