Klah čŭn klei bi kƀĭn, Khua gĭt gai Đảng Tô Lâm bi myuôm klei prăp êmiêt ƀhĭ klĭ mơ̆ng anôk bruă kiă kriê, lehanăn klei blŭ mâo klei bi sa ai hŏng klei čih mkra hdră êlan mă bruă mơ̆ng êpul khua kiă kriê, hŏng dŭm hdră, mta kñăm klă mngač mơ̆ng ară anei truh jih thŭn; mđing dưi lŏ mbŏ dŭmbruă čuăn huĭdah lŏ mâo hlăm klei hdĭp.

Khua gĭt gai Đảng mñă 4 klei mĭn kơ klei kiă kriê hlăm bruă hlue ngă, bi mđing hlăm dŭm bruă prŏng, mghaih msir dŭm bruă hlăk mjêč, ktưn bi leh hlăm thŭn anei, kñăm ruh mgaih jih klei gun kpăk kơ klei bhiăn, lehanăn dưn yua jih klei bhiăn, ai ktang hlăm klei mđĭ kyar lăn čar. Khua gĭt gai Đảng Tô Lâm mtă, lŏ dơ̆ng bi leh djăp mta hră mơar tui si hdră bhiăn, pral ksiêm wĭt dŭm hdră mtrŭn, hră mtrŭn djŏ tuôm pioh hlue ngă, boh nik hlăm bruă mbha gưl, mbha klei dưi, bi hlue ngă djŏ hŏng klei phŭn bruă kđi čar kiă kriê.