Hlăm wưng êgao, bruă Đảng čar leh anăn Knơ̆ng bruă sang čư̆ êa čar Lâm Đồng mtrŭn leh lu hră mơar gĭt gai kơ dŭm anôk bruă, dŭm kdriêk, ƀuôn prŏng hlăm čar kƀĭn  djăp klei găl mđĭ pral hnơ̆ng brei čan prăk knŭk kna, hnưm bi leh bruă ruh mgaih anôk ala čiăng rŭ mdơ̆ng hdră bruă… Ƀiădah truh ară anei, bruă brei čan prăk bi liê knŭk kna čar Lâm Đồng ăt mâo ƀiă, knŏng mrâo dưi ngă 1.446 êklai prăk hlăm ênoh êbeh 9.340 êklai prăk, mâo ênoh 15,5% hlue si hdră.

Hlăm klei bi kƀĭn, Khua Knơ̆ng bruă sang čư̆ êa čar Lâm Đồng Trần Hồng Thái lač, hnơ̆ng bi liê prăk knŭk kna ti čar mâo ƀiă snei jing dleh dưi tŭ ư. Ñu akâo kơ Khua gĭt gai dŭm alŭ wăl mđing mđĭ pral hnơ̆ng, brei ngă jih ai tiê klei ruh mgaih anôk ala čiăng kơ dŭm hdră bruă dưi bi liê, hlăm anăn mđing kơ êlan dơ̆ng êran pral.