Khua knŭk kna Phạm Minh Chính mjưh ruê̆ jăk siam gưl mă bruă ti China
Thứ sáu, 10:04, 27/06/2025 Pô mblang H'Nêč Êñuôl / VOV Tây Nguyên Pô mblang H'Nêč Êñuôl / VOV Tây Nguyên
VOV4.Êđê- Mmăt mbruê (26/6), Khua knŭk kna Phạm Minh Chính mbĭt hŏng êpul bi ala gưl dlông Việt Nam đuê̆ mơ̆ng Thượng Hải wĭt kơ Hà Nội, mjưh ruê̆ jăk siam dŭm hdră hlăm Klei bi kƀĭn grăp thŭn phung ba anăp tal 16 mơ̆ng Klei bi kƀĭn trông bruă duh mkra tar rŏng lăn mkŏ mjing ti ƀuôn prŏng Thiên Tân; nao čhưn lehanăn mă bruă ti Thượng hải, China.

Hŏng 30 hdră bruă hlăm 3 hruê mă bruă, êpul Việt Nam lui leh lu gru kruăk lehanăn đru mguôp yuôm bhăn hlăm klei tŭ jing mbĭt mơ̆ng Klei bi kƀĭn grăp thŭn phung ba anăp tal 16 mơ̆ng Klei bi kƀĭn trông bruă duh mkra tar rŏnglăn. Hlăm wưng nao ti knăm anei, Khua knŭk kna mâo leh klei bi trông, bi tuôm hŏng lu phung khua kiă kriê knŭk kna dŭm ala čar ăt msĕ mơh dŭm ƀĭng hgŭm, anôk bruă duh mkra mnia mblei…

Năng mđing, Khua knŭk kna mâo leh hdră bi trông hŏng Khua knŭk kna China Lý Cường kñăm mđĭ klei đăo knang bruă kđi čar, pŏk mlar hdră bi hgŭm lehanăn ksiêm dlăng kjăp klei amâo thâo bi djŏ, ba klei bi mjĕ ƀĭng hgŭm phŭn kluôm dhuôm, Êpul êya kah mbha êdei anăp Việt Nam- China mâo boh yuôm hlăm hdră mđĭ kyar ba wĭt boh tŭ dưn sui thŭn./.

 

Pô mblang H'Nêč Êñuôl / VOV Tây Nguyên

Viết bình luận

TIN CÙNG CHUYÊN MỤC

Video

Bi mni kơ Awa Hô
Tiếng chuông ngân (Jingle Bells)
24/12/2024
Ru em
27/11/2024
Vi yông ‘nhă kơ ba
11/11/2024