Khua knŭk kna Phạm Minh Chính brei thâo gưl hriê čuă mơ̆ng Êpul bi ala gưl dlông PAP mơ̆ng khua kiă kriê Chan Chun Sing ba anăp jing wưng brei kơ dua tĭng mtrŭt mđĭ hĭn klei bi hgŭm, bi mguôp plah wah dua Đảng, đru mđĭ klei đăo knang plah wah dua Đảng, dua lăn čar.

Khua knŭk kna mñă kơ dua Đảng mtrŭt mđĭ kah mbha klei hriăm hlăm bruă mkŏ mjing Đảng, klei hriăm hlăm bruă kiă kriê, mđĭ kyar bruă duh mkra ala ƀuôn leh anăn bi trông kơ dŭm boh klei hlăm alŭ wăl, hlăm tar rŏng lăn dôk bi mđing.