
Leh truh ti ƀuôn prŏng phŭn Dakar, Cộng hòa Senegal, Khua bruă kƀĭn ala Trần Thanh Mẫn leh anăn mô̆ ñu hŏng Êpul bi ala gưl dlông ala čar drei mâo leh klei bi tuôm, bi blŭ hrăm hŏng knuă druh Anôk bruă bi ala, êpul êya mnuih Việt Nam ti anôk ala čar anei, kñăm hâo hưn kơ mnuih Việt Nam ti ala tač êngao hlăm boh klei mrâo.

Hlăm gưl nao čhưn klă sĭt Cộng hòa Senegal tal anei, Khua bruă kƀĭn ala Trần Thanh Mẫn leh anăn mô̆ ñu hŏng Êpul bi ala gưl dlông ala čar drei srăng mâo klei bi tuôm, bi blŭ hrăm hŏng khua gĭt gai gưl dlông mơ̆ng Cộng hòa Senegal; nao hlăm Knăm bi siñê hră mơar bi hgŭm plah wah dua Bruă kƀĭn ala; Nao hlăm knăm hưn mthâo mkŏ mjing Êpul phung ngă bruă kƀĭn ala Việt Nam – Senegal; Nao hlăm klei bi trông Hdră bhiăn kơ bruă mđĭ klei bi hgŭm bruă lŏ hma, mnia blei, bi liê Việt Nam – Senegal.
Viết bình luận