
Hluê ngă asăp mtrŭn mrô 24 mơ̆ng Phŭn bruă kđi čar kơ bruă lŏ dơ̆ng tui duah, bi kƀĭn klang lĭng kahan djiê êngiă truh kơ ară anei, Êpul dưi đru hŏng hdră bi klă lĭng kahan djiê êngiă hŏng klei bi klă AND, ba wĭt anăn kơ 1.250 čô kahan djiê êngiă. Đru kơ klei ba wĭt êbeh 1.600 klang lĭng kahan wĭt ti ƀuôn sang.

Blŭ hrăm hlăm mmông mă bruă, k’iăng khua Bruă Kƀĭn Ala Thượng tướng Trần Quang Phương brei thâo, dlăng kriê phung mâo bruă tŭ dưn leh anăn gŏ sang digơ̆ amâo djŏ knŏng jing klei khăp, bruă klam, ƀiădah lŏ jing klei hdơr kơ klei lŏ čuê, klei mđĭ ai, klei bi hmô kơ klei mĭn, ai tiê klei êngiê djuê ana hlăm wưng mrâo, leh anăn anăn jing ai dưi kơ lăn čar. Hŏng klei đĭ kyar mơ̆ng klei mlih mrô, kdrăp mrâo, leh ngă bruă mkŏ mjing Anôk bruă knơ̆ng gen lĭng kahan djiê êngiă, k’iăng khua Bruă Kƀĭn Ala hmăng hmưi srăng dưi duah ƀuh lu hĭn lĭng kahan djiê êngiă hlăm wưng kơ anăp.
Viết bình luận