K’iăng Khua knŭk kna Nguyễn Chí Dũng gĭt gai klei kƀĭn kơ klei mbha gưl, mbah klei dưi mơ̆ng Hdră bhiăn mkŏ mjing knŭk kna, hdră bhiăn mkŏ mjing bruă sang čư̆ êa alŭ wăl
Thứ bảy, 10:17, 24/05/2025
Pô mblang Y-Bel Êban/VOV Tây Nguyên
Pô mblang Y-Bel Êban/VOV Tây Nguyên
VOV4.Êđê- Tlam mbruê 23/5, ti anôk bruă knŭk kna, k’iăng Khua knŭk kna Nguyễn Chí Dũng gĭt gai klei kƀĭn kơ bruă mbha klei gưl, mbha klei dưi mơ̆ng Phŭn bruă kreh knhâo leh anăn mrâo mrang hluê si klei čuăn mơ̆ng Hdră bhiăn mkŏ mjing knŭk kna, hdră bhiăn mkŏ mjing bruă sang čư̆ êa alŭ wăl leh anăn mkŏ mjing bruă sang čư̆ êa alŭ wăl dua gưl.
Bi klă hlăm klei kƀĭn, k’iăng Khua knŭk kna Nguyễn Chí Dũng mñă kơ Phŭn bruă kreh knhâo leh anăn mrâo mrang hyuă kjăp dŭm hdră êlan, mbha gưl jih hnơ̆ng hluê si ai tiê alŭ wăl bi klă, alŭ wăl ngă, alŭ wăl đua klam.
Hŏng bruă klam mơ̆ng gưl kdriêk, srăng bi klă ti bruă klam mơĭt kơ čar, ti bruă klam mơĭt kơ să. Ksiêm dlăng mđing hmư̆ klei bi mguôp mơ̆ng dŭm Phŭn dhar bruă, mâo klei kpăk gun srăng êmuh mtam, ngă prăl, ngă djŏ. Bi hŏng 154 bruă klam amâo mâo mbha gưl, čiăng lŏ ksiêm wĭt, ti bruă klam dưi lŏ mbha gưl, rơ̆ng djŏ hŏng hdră kčah, bi kluôm hdră mtrŭn êlâo kơ hruê 30/5/2025 čiăng kơ Phŭn bruă hdră bhiăn bi klă, leh anăn ba mdah êlâo kơ hruê 25/06/2025, nao ngă bruă mơ̆ng hruê 01/07/2025.
Viết bình luận