Ară anei hlăm kluôm čar mâo hlăm brô 10.000 phung duh mkra điêt lehanăn man dưn, ƀiădah hlăm anăn lu hĭn jing điêt, ai mă bruă dôk êdu, tuôm hŏng lu klei dleh dlan kơ prăk kăk, kdrăp mă bruă lehanăn anôk čhĭ mnia. Čih mkra hdră mtrŭn anei kñăl rtuh mgaih dŭm klei dleh dlan, bi mâo hdră êlan klă mngač kơ klei duh mkra êngao knŭk kna kñăm dưi jing boh kdrŭt yuôm bhăn kơ klei duh mkra, lehanăn hlue ngă djŏ hŏng hdră mtrŭn mrô 68 mơ̆ng phŭn bruă kđi čar kơ klei mđĭ kyar bruă duh mkra êngao knŭk kna hlăm boh klei mrâo.

Ti anôk bi kƀĭn, phung bi ala mâo leh klei đru mguôp kơ klei mĭn, kčĕ kơ klei duh mkra mnia mblei, kơ klei hâo hưn, hyuă kjăp hĭn bruă thâo bi hgŭm. Mâo lu klei blŭ đru kčĕ kơ klei čô̆ kơ bruă mlih mrâo hŏng klei knhêč, bi mlih mrô lehanăn duh bi liê bruă lŏ hma hŏng kdrăp mrâo./.