Khua knŭk kna mtă brei mă gru knăl 19/12/2025 čiăng mphŭn rŭ mkra ti 5 anôk, rơ̆ng wưng hluê ngă. Khua knŭk kna jao kơ Phŭn bruă Kreh knhâo – kdrăp mrâo bi hgŭm mkŏ mjing hnơ̆ng čuăn hdră bruă; Phŭn bruă hŏng tač êngao mă bruă hŏng China hưn mthâo lehanăn đru kčĕ hdră bi hgŭm mbĭt hŏng Việt Nam čih mkra hdră kdrăp ngă bruă; Phŭn bruă Rŭ mdơ̆ng bi hgŭm hŏng alŭ wăl bi mklă anôk mkra hdră, mtrŭt mđĭ bruă msir mghaih anôk ala.

Klei kơ ngăn prăk, Khua knŭk kna mtă kơ Phŭn bruă ngăn prăk mă bruă hŏng China čiăng mâo phŭn mkăp prăk čan hŏng ênoh mnga găl ênưih, mbĭt anăn mkŏ mjing keh 500 êbâo êklai prăk đru kơ dŭm hdră bruă nah gŭ, hlăm anăn mâo hdră êlan treng. Khua knŭk kna mñă, hdră anei amâo djŏ mâo boh tŭ yuôm phŭn hlăm hdră duh mkra – ala ƀuôn ƀiădah lŏ đru mguôp mtrŭt mđĭ hdră bi hgŭm krĭng, pŏk mlar hdră bi hgŭm hŏng tač êngao./.