Leh êbeh 2 mlan mtrŭt mjhar, mâo giăm 1 êbâo klei čih ba bi lông mơ̆ng phung văn nghệ sĩ, knuă druh, lĭng kahan ti dŭm kđông kahan, Knơ̆ng gĭt gai lĭng kahan lehanăn dŭm sang hră ti alŭ wăl čar nao hgŭm. Hluê Anôk bruă mkŏ mjing, mâo lu klei bi lông jăk, hưn mdah klă nik pŏk rup mơ̆ng lĭng kahan răng mgang knông lăn hruê mlam djă kjăp phao ktuang krơ̆ng kjăp klei dưi kiă kriê kluôm dhuôm krĭng knông lăn mbĭt anăn diñu ăt jing mnuih jĕ giăm, sŭk suôr hŏng mnuih ƀuôn sang dŭm djuê ana.

Hgao jih giăm 1 êbâo klei bi lông, adei Dương Thị Hải Như, hđeh hriăm adŭ 8G, Sang hră gưl 2 Trưng Vương (Ƀuôn prŏng Ƀuôn Ama Thuột), mâo mă kleipah mni mrô Sa hŏng klei čih “Ba mơĭt ai tiê khăp čiăng truh ti krĭng knông lăn phung anak”./.