Khua bruă kƀĭn ala Trần Thanh Mẫn lač, hlăm wưng tar rŏng lăn mâo lu klei mlih, hlăm lăn čar ngă klei bi khuăt, mkŏ dăp bruă sang čư̆ êa dua gưl srăng hmăi kơ klei gĭt gai, kiă kriê bruă duh mkra – ala ƀuôn. Hlăm anăn mta kñăm mâo srăng đĭ kyar hlăm thŭn 2025 jing 8% leh anăn truh thŭn 2030 jing 2 ênoh mrô.

Khua Bruă Kƀĭn Ala mñă klă: Bruă Kƀĭn Ala hrăm mbĭt hŏng knŭk kna, ti gŭ klei gĭt gai mơ̆ng Đảng, lŏ dơ̆ng mlih mrâo hdră bhiăn čiăng bi mâo djăp klei čiăng ruh mgaih klei dleh dlan kơ bruă duh mkra. Bi kơ bruă duh mkra êngao knŭk kna, Đảng mâo leh hdră mtrŭn mrô 68, Bruă Kƀĭn Ala bi klă leh hdră mtrŭn mrô 198, knŭk kna mâo hdră bhiăn mrô 193. Ară anei klei mkŏ mjing si srăng ngă čiăng jăk, čiăng kơ 6 mlan knhal jih thŭn mâo klei đĭ kyar 8%.