Ayŏng  Siu Pôp (djuê ana Jarai) ti ƀuôn Anh, să Ia Bang, kdriêk Čư̆ Prông, čar Gia Lai, jing mnuih mă bruă hlăm Kdrăn Pla mjing Hoà Bình, Knơ̆ng bruă Ksu čư̆ Prông brei thâo anôk bruă mâo êbeh 260 čô mnuih mă bruă jing mnuih djuê ƀiă, mâo giăm 92% ênoh mnuih mă bruă hlăm anôk bruă. Hlăm “Mlan mnuih mă bruă” thŭn 2025, Knơ̆ng bruă mkŏ mjing leh lu bruă êdah êdi, klă sĭt kriê dlăng klei hdĭp mda phung mă bruă.

“Mơ̆ng leh hriê mă bruă ksu, mâo klei đru leh anăn ktrâo lač mơ̆ng Khua gĭt gai, hmei ngă djŏ hdră mkra mjing leh anăn ba klei tŭ dưn kơ prăk hrui wĭt kjăp. Ară anei, klei hdĭp phung mă bruă ksu lu hĭn, mơ̆ng prăk huă ƀơ̆ng, hdĭp mda hlăm gŏ sang. Ƀuôn sang mâo klei bi mlih, mơ̆ng pui kmlă djăp ênŭm. Ară anei êlan klông ăt mâo leh bêtông. Êlâo dih snăn dleh dlan snăk, sang tĭ, ƀrôč, ƀiădah ară anei pưk sang prŏng siam.”

Dưi thâo, hlăm “mlan mnuih mă bruă” thŭn anei, Êpul hgŭm mnuih mă bruă čar Gia Lai mđup brei prăk đru rŭ mdơ̆ng. mkra mđĭ 25 boh sang “Sang đru kơ phung mă bruă” kơ phung mă bruă mâo klei hdĭp dleh dlan.