VOV4. Êđê- Kyua mâo prăk mơ̆ng Knơ̆ng prăk Lŏ hma lehanăn Mđĭ kyar krŏng ƀuôn sang ti Dak Nông mâo leh lu gŏ sang mnuih djuê ana Mnông mâo klei găl duh kơ bruă duh mkra pla mjing, ƀrư̆ kpưn đĭ tlaih kơ ƀun. Mnuih ƀuôn sang mâo čan prăk djŏ wưng kyua anăn amâo lŏ mâo ôh klei čan prăk hŏng ênoh prăk mnga ktrŏ msĕ êlâo adih.

VOV4.Êđê - Mrâo anei, ti ƀuôn prŏng Pleiku, bruă Đảng čar Gia Lai, Sang hră ksiêm hriăm bruă kđi čar ala čar Hồ Chí Minh mkŏ mjing leh Klei kƀĭn trông kreh knhâo mđĭ kyar h’ĭt kjăp bruă hiu čhưn ênguê dhar kreh lehanăn lăn mnga êa m’ak h’ĭt kjăp krĭng Lăn dap kngư hlăm wưng ară anei. Tinei, 50 klei čih mơ̆ng phung mă bruă kreh knhâo, phung mă bruă kriê dlăng, anôk bruă duh mkra hiu čhưn ênguê mâo leh lu klei đru mguôp mđĭ boh tŭ yuôm kơ hdră ksiêm dlăng lehanăn boh sĭt hdră hiu čhưn ênguê krĭng Lăn dap kngư. Anei ăt jing klei găl čiăng kơ krĭng ngă lŏ hma Lăn dap kngư lŏ mâo hdră duh ƀơ̆ng đĭ kyar hĭn.

VOV4.Êđê - Hlue ngă ênoh cuăn mrô 4 kơ pui kmlă, hlăm bruă mkŏ mkra krĭng ƀuôn sang mrâo, dŭm thŭn êgao, knơ̆ng bruă pui kmlă Daklak mđĭ leh bruă dhiang ba pui kmlă, lehanăn mđĭ hnơ̆ng jăk pui kmlă kơ mnuih ƀuôn sang duh mkra lehanăn hdĭp mda.

VOV4.Êđê - Hdră kñăm ala čar kơ bruă mkŏ mjing krĭng ƀuôn sang ti kdriêk čar Lâm Đồng ƀrư̆ hruê mâo klei lar bra, hŏng lu hdră ngă mbruă leh anăn klă sĭt. Sa hlăm ênoh anăn jing hdră “Knăm 6 krĭng ƀuôn sang mrâo” ti kdriêk Di Linh. Truh hruê anei, mnuih ƀuôn sang hlăm djăp ƀuôn êlan jĕ giăm taih kbưi hlăm kdriêk lŏ bi hgŭm, hrăm mbĭt mkŏ mjing ƀuôn sang hŏng bruă ngă klă klơ̆ng.

VOV4.Êđê- Y-Tuyên Ƀuôn Krông (djuê ana Ê Đê, khăng iêô Ama Hà) jing sa čô đảng viên bi hmô ti ƀuôn Drai Hling, să Hòa Xuân, ƀuôn prŏng Ƀuôn Ama Thuôt, čar Dak Lak. Hŏng 30 thŭn ngă bruă ala ƀuôn ti alu wăl, ñu mâo mnuih ƀuôn sang khăp hơiêng leh anăn tui hlue. Hĭn mơh, hŏng bruă klam jing K’iăng khua dlăng bruă đảng, hlŏng ngă Khua ƀuôn leh anăn jing mnuih mâo kơhưm, ñu đru mguôp yuôm bhăn hlăm hdră mkŏ mjing krĭng ƀuôn sang ti alŭ wăl.

VOV4.Êđê- Čar Dak Lak ară anei mâo giăm 2.300 čô hđeh êrĭt êrin, hlăm anăn mâo lu phung hđeh dôk hlăm klei dleh dlan. Hluê hŏng hdră “Amĭ đru rông ba” mâo Êpul hgŭm bruă mniê Việt Nam gưl dlông mtrŭt mjhar, lu phung hđeh êrĭt êrin, amâo anôk jưh knang ti Dak Lak mâo leh klei đru wăt kơ mnơ̆ng dhơ̆ng lehanăn ai tiê klei mĭn. Anei jing “Anôk jưh knang bŏ hŏng klei khăp” đru kơ phung hđeh hgao klei dleh dlan kpưn đĭ hlăm klei hdĭp

VOV4.Êđê- Aguah mbrue 19/10, hlue si mmông alŭ wăl Khua knŭk kna Phạm Minh Chính nao lehanăn blŭ hrăm hŏng phung duh mkra, dlăng klei kuôl kă bruă bi hgŭm phung duh mkra pla wah dua ala čar.

VOV4.Êđê- Êbeh 10 thŭn ngă khua mduôn, Siu Bình, ti ƀuôn Sơn, să Ia Nan, kdriêk Đức Cơ, čar Gia Lai đru mguôp kơ klei bi mlih ƀuôn sang knông lăn hŏng bruă klă klơ̆ng. Hriăm leh anăn hlue Awa, hŏng phung lĭng kahan knông lăn, khua mduôn jih ai tiê hŏng bruă knuă, blŭ mbĭt hŏng bruă ngă, bi hmô hlăm djăp bruă ngă kyÊbeh 10 thŭn ngă khua mduôn, Siu Bình, ti ƀuôn Sơn, să Ia Nan, kdriêk Đức Cơ, čar Gia Lai đru mguôp kơ klei bi mlih ƀuôn sang knông lăn hŏng bruă klă klơ̆ng. Hriăm leh anăn hlue Awa, hŏng phung lĭng kahan knông lăn, khua mduôn jih ai tiê hŏng bruă knuă, blŭ mbĭt hŏng bruă ngă, bi hmô hlăm djăp bruă ngă kyua klei hdĭp mnuih ƀuôn sang.

VOV4.Êđê- Hlăm dŭm thŭn êgao, mŏng djăp ai dưi, klei mâo mŏng Đảng, Knŭk kna, mŏng êpul êya yang ƀuôn, đru leh lu să ti alŭ wăl hlăm kluôm ala ƀrư̆ ƀrư̆ bi leh hdruôm hnơ̆ng čuăn ala čar kơ bruă mkŏ mkra krĭng ƀuôn sang mrâo lehanăn krĭng ƀuôn sang mrâo kdlưn hĭn. Hluê hdruôm hnơ̆ng čuăn ala čar kơ bruă mkŏ mkra krĭng ƀuôn sang mrâo lehanăn krĭng ƀuôn sang mrâo kdlưn hĭn wưng thŭn (2021-2025) mâo lu hnơ̆ng čuăn dleh dưi hluê ngă mkă hŏng wưng êlâo. Hlăm anăn, hnơ̆ng čuăn kơ wăl hdĭp mda dưi tĭng flăng jing “Hdjul” amâo guôn klei duh lu mơ̆ng knŭk kna, ƀiădah jing sa klei dleh hŏng lu alŭ wăl.

VOV4.Êđê-Hdră mkŏ mkra krĭng ƀuôn sang mrâo mâo leh klei tŭ dưn jăk êdi ti čar Dak Nông, ngă bi mlih leh klei jing hlăm krĭng ƀuôn sang.