VOV4.Êđê- Ƀuôn Vi Rơ Ngheo, să Đăk Tăng jing anôk mngač mkŏ mkra krĭng ƀuôn sang mrâo ti krah krĭng ƀuôn sang taih kbưi kdriêk Kon Plông, čar Kon Tum. Hŏng pô bi hmô tal êlâo jing A Hiền, 63 gŏ êsei mnuih ƀuôn sang mjing leh klei amâo dưi ngă jing klei dưi ngă čiăng bi mlih leh anăn jing phŭn kơ klei mbruă hlăm klei mkŏ mkra krĭng ƀuôn sang mrâo ti krĭng mnuih djuê ƀiă čar Kon Tum.

VOV4.Êđê- Krĭng mnuih djuê ƀiă ti Bình Thuận mâo lu mta mnơ̆ng dhơ̆ng OCOP mâo 3 mtŭ. Tết Nguyên đán Ất Tỵ 2025 dôk giăm truh ăt jing wưng mkra mjing dŭm mta mnơ̆ng hlăm wưng tết, hlăm anăn mâo mnơ̆ng mmuôn čuh Chăm Sơn ti să Phan Hiệp leh anăn kđeh čĭm êmô krô ti să Phan Hoà, kdriêk Bắc Bình, čar Bình Thuận.

VOV4.Êđê- Tuôm kbưi hŏng ƀuôn sang hlăm bruă ngă aê mdrao, ƀiădah êkei êdam Êđê, Y Pôt Niê ti Dak Lak amâo dưi wơr ôh kphê ti ƀuôn sang. Hdơr nanao mnâo kphê ƀâo mngưi hlăm sang pui kpur, bi mĭn hŏng asăr kphê yuôm bhăn ƀiădah amâo dưi đru kơ amĭ, kơ ama tlaih ƀun, Y-Pôt Niê wĭt leh ti ƀuôn Kla, să Dray Sap, kdriêk Krông Ana, čar Dak Lak čiăng bi mguôp hŏng kphê hlue si klei mrâo. Leh 4 thŭn mphŭn čô̆ kơ bruă hŏng kphê mưng mơ̆ng hlăk điêt, Êđê Café mơ̆ng Y Pôt dưi ba čhĭ hlăm ala čar leh anăn ala tač êngao, wăl dliê nanao klei yăl dliê dhar kreh kphê jăk mơ̆ng ƀuôn Kla.

VOV4.Êđê - Hdră mtrŭn Klei bi kƀĭn phung bi ala kluôm ala tal XIII mơ̆ng Đảng kčah hdră kñăm bi hrŏ ênoh gŏ êsei ƀun kluôm ala ti hnơ̆ng 1%-1,5% leh anăn gĭr truh thŭn 2030 klă klơ̆ng amâo lŏ mâo ôh kdriêk ƀun, să dleh dlan. Ba hdră mtrŭn hlăm klei hdĭp, ti čar Kon Tum, bruă msir klei ƀun ƀin mâo pŏk ngă jih hnơ̆ng mơ̆ng akŏ wưng, mă 2 să Mường Hoong leh anăn Ngọk Linh (kdriêk Đắk Glei) jing 2 să ƀun hĭn čar ƀun hĭn čar ngă phŭn. Mơ̆ng hdră mtrŭn djŏ, knuă druh hlăm bruă ai tiê đua klam mơ̆ng phung đảng viên, 2 să ƀun hĭn čar Kon Tum - ênoh gŏ êsei ƀun êbeh 70%, amâo djŏ knŏng tlaih ƀun ôh mnuih ƀuôn sang gĭr ktưn êdah êdi, jhŏng kpưn đĭ kơ mdrŏng.

VOV4.Êđê - Hŏng bruă bi klă klei bi hmô 3 doh jing doh pưk sang, doh êlan klông, doh sang pui jing dŭm bruă ngă klă klơ̆ng, Phung mniê Dak Lak dôk hur har đru hluê ngă dŭm hnơ̆ng čuăn kơ wăl hdĭp mda leh anăn klei doh êbăt mnơ̆ng ƀơ̆ng huă, hrăm mbĭt hŏng bruă sang čư̆ êa alŭ wăl mkŏ mkra krĭng ƀuôn sang mrâo.

VOV4.Êđê- Hlăm dŭm thŭn êgao, Êpul kahan hđăp kdriêk Đăk Đoa, čar Gia Lai pŏk ngă leh lu gru hmô mkra mjing, hdră bi lông ktưn klă sĭt, msĕ si: Êpul kahan hđăp bi hmô”, “Êpul kahan hđăp bi đru bi hrŏ ƀun, ngă bruă duh mkra mbruă”… Mơ̆ng anăn, mâo lu gru mngač hlăm êpul êya, amâo djŏ knŏng đru mđĭ kyar bruă duh mkra ala ƀuôn ti alŭ wăl ôh ƀiădah lŏ đru mtô knhuah gru krŭ kdơ̆ng kơ phung mda asei tui hlue.

VOV4.Êđê- Hdră mkŏ mkra krĭng ƀuôn sang mrâo ba wĭt dŭm boh tŭ dưn jăk ti čar Dak Nông hŏng dŭm krĭng ƀuôn sang mlih mrâo. Dŭm gưl bruă, dhar bruă mơ̆ng čar dôk gĭr čiăng hnưm bi leh dŭm mta kñăm wưng thŭn 2021 – 2025, mkŏ mjing boh kdrŭt kơ krĭng ƀuôn sang mơ̆ng čar đĭ kyar hlăm wưng kơ anăp.

VOV4.Êđê- Ti kdriêk Ia Pa, čar Gia Lai, Hdră kñăm ala čar bi hrŏ ƀun kjăp dôk ba klei tŭ dưn jăk. Mbĭt hŏng klei mkra mđĭ anôk bruă nah gŭ, ba jao bruă kreh knhâo, hdră mnêč, đru kơ mnuih ƀuôn sang mđĭ kklei tŭ dưn mkra mjing, đruu kơ bruă duh mkra kơ gŏ êsei ƀun ti kdriêk ăt dôk mđĭ lar klei tŭ dưn, đru kơ mnuih ƀuôn sang hơĭt klei hdĭp mda leh anăn gĭr ktưn tlaih ƀun kjă.

VOV4.Êđê- Knơ̆ng bruă sang čư̆ êa čar Khánh Hòa mrâo mơĭt hră mơar kơ Phŭn bruă mnuih mă bruă, kahan êka êkeh leh anăn ala ƀuôn bi mklă hưn mdah hŏng Khua knŭk kna ksiêm dlăng, bi mklă yap 2 kdriêk Khánh Sơn leh anăn Khánh Vĩnh jing kdriêk tlaih ƀun. Tlaih ƀun jing klei yuôm bhăn mơ̆ng krĭng čư̆ čhiăng čar Khánh Hòa, hlăm anăn, mâo klei đru mguôp mơ̆ng khua mduôn, phung mâo kơhưm ti alŭ wăl.

VOV4.Êđê - Leh 6 thŭn hluê ngă hdră grăp să sa mnơ̆ng dhơ̆ng OCOP, čar Dak Nông ƀrư̆ ƀrư̆ mkŏ mjing anăn knăl kơ dŭm mnơ̆ng dhơ̆ng bruă lŏ hma hnơ̆ng jăk. Hluê anăn, Nông đru mguôp leh hlăm bruă mđĭ hĭn klei mkŏ hlăm bruă mkra mjing čiăng mđĭ kyar bruă lŏ hma, krĭng ƀuôn sang hluê hdră hơĭt kjăp.