VOV4.Êđê- Aguah mbruê, ti Hà Nội, Khua gĭt gai Tô Lâm gĭt gai mmông mă bruă hŏng êpul khua bruă Đảng Phŭn bruă hŏng tač êngao kơ bruă hluê ngă hdră êlan hŏng tač êngao Klei kƀĭn tal 13 mơ̆ng Đảng leh anăn mđĭ kyar bruă hŏng tač êngao hlăm wưng kơ anăp.

VOV4.Êđê- Wăl krŭ kdơ̆ng H9 čar Dak Lak wưng bi kdơ̆ng Mi, ară anei jing alŭ wăl 4 să krĭng taih kbưi kdriêk Krông Bông mâo: Čư̆ Pui, Čư̆ Drăm, Yang Mao leh anăn Hòa Phong. Hŏng ai tiê kjăp sĭt suôr mnuih Êđê, MNông, hŏng čư̆ dlông Čư̆ Yang Sin, H9 jing anôk đru kơ bruă đảng čar Dak Lak wưng 1965-1975. Mđĭ lar knhuah gru krŭ kdơ̆ng, krĭng H9 mâo leh keli đĭ kyar kluôm leh anăn dôk bi mlih grăp hruê.

VOV4.Êđê- Lač kơ phung mâo kơhưm hlăm krĭng mnuih djuê ƀiă, grăp čô bi mĭn mtam kơ phung khua mduôn, phung khua thŭn. Khădah snăn, hŏng mnuih ƀuôn sang ti ƀuôn Labouye A, să Lạc Xuân, kdriêk Đơn Dương, čar Lâm Đồng, mnuih mâo kơhưm mâo mnuih ƀuôn sang mpŭ knŏng mrâo êbeh 40 thŭn. Anăn jing Ya Dũng, sa čô đảng viên mda asei leh anăn jing khua ƀuôn. Ya Dũng mâo mnuih ƀuôn sang đăo knang jing kyua hlăm djăp bruă, ñu jing nanao pô ba anăp.

VOV4.Êđê- Tŭ klei iêo jak mơ̆ng Đảng Cộng sản Argentina, êpul bi ala gưl dlông Đảng drei mơ̆ng Khua êpul bruă hâo hưn gưl dlông Nguyễn Trọng Nghiã jing khua êpul nao čhưn, mă bruă ti Argentina mơ̆ng hruê 21 – 24/8/2024.

VOV4.Êđê - Ti kdriêk Krông lăn Đức Cơ, čar Gia Lai mâo sa adŭ hriăm yan mdei prŏng ba wĭt lu klei hơ̆k mơak, klei hriăm kơ phung hđeh mnuih djuê ƀiă mâo klei hdĭp dleh dlan. Adŭ hriăm amâo mâo mă prăk anei mâo phung đoàn viên, phung êdam êra mơ̆ng wăl krah Čư̆ Ty, kdriêk Đức Cơ phung phung mtô.

VOV4.Êđê - Leh êbeh 2 thŭn pŏk ngă Hdră mtrŭn 749 thŭn 2020 mơ̆ng Khua knŭk kna kơ klei mlih mrô ala čar, čar Kon Tum mâo leh dŭm boh tŭ klă klơ̆ng, boh nik hlăm bruă lŏ hma - krĭng ƀuôn sang. Čar dôk gĭr ktưn ruh mgaih klei dleh dlan čiăng bi mlih mrô pral hĭn, mđing kơ mkŏ mkra bruă lŏ hma thâo mĭn, ƀuôn sang mrâo mrang.

VOV4.Êđê- Hlăm wưng êgao, čar Dak Lak tiŏ nao lu ai dưi, pluă mbĭt dŭm hdră êlan duh bi liê, hdră đru mơ̆ng Đảng, knŭk kna truh kơ krĭng mnuih djuê ƀiă, krĭng taih kbưi. Hlăm anăn, lu hdră mkŏ mkra êlan klông hlăm hdră ala čar kñăm mđĭ kyar bruă duh mkra ala ƀuôn krĭng mnuih djuê ƀiă, krĭng čư̆ čhiăng dưi đru mđĭ hnơ̆ng klei hdĭp mnuih ƀuôn sang.

VOV4.Êđê- Lu thŭn anei, Êpul kahan hđăp wăl krah Ayun Pa, čar Gia Lai hlue ngă tŭ dưn hdră “Phung kahan hđăp bi hmô” hlăm bruă mkŏ mjing leh anăn mđĭ kyar bruă duh mkra. Hŏng ai tiê amâo uêñ kơ klei dleh dlan, lu phung kahan hđăp jing leh gru mngač hlăm bruă mkra mjing, mđĭ kyar bruă duh mkra gŏ sang, lar bra klei khăp mă bruă hlăm êpul êya mnuih ƀuôn sang ti alŭ wăl.

VOV4.Êđê- Hlăm 2 hruê kăm mkŏ mjing hdră yan mdei prŏng mtah ti Dak Lak, dŭm êpul êdam êra ba anăp hrăm mbĭt hŏng bruă sang čư̆ êa alŭ wăl bi leh lu hdră, bruă ngă klă sĭt. Klei pral kdal, jih ai tiê leh anăn ai tiê ba anăp, amâo uêñ kơ klei dleh dlan, suăi êmăn, phung êdam êra ba leh klei jăk mơak hlăm ai tiê mnuih ƀuôn sang krĭng ƀuôn sang Dak Lak.

VOV4.Êđê- Hlăm dŭm thŭn êgao, kdriêk Ia Grai, čar Gia Lai, kƀĭn klei găl leh anăn mtrŭt mjhar mnuih ƀuôn sang myơr lăn čiăng pŏk ngă dŭm hdră bruă êlan klông. Anei ăt jing kdriêk tal êlâo mơ̆ng čar ba bruă mtrŭt mjhar lăn mkra êlan hlăm hdră mtrŭn mơ̆ng bruă Đảng kdriêk leh anăn mkŏ mjing dŭm anôk bruă gĭt gai hjăn kơ klei myơr lăn mkra êlan. Mơ̆ng klei tŭ ư mơ̆ng jih bruă kđi čar leh anăn klei mđing, tŭ ư mơ̆ng mnuih ƀuôn sang, lu êlan mlir krĭng, mlir să dưi bi leh, đru kơ krĭng ƀuôn sang mrâo ƀrư̆ mlih mrâo.