VOV4.Êđê- Mđup brei hdruôm hră, ba hră truh kơ dŭm boh ƀuôn krĭng taih kbưi jing hdră mơ̆ng dŭm êpul êya ngă hdră dhar kreh ăt msĕ mơh dŭm êpul đru dôk pŏk ngă ti Dak Lak čiăng đru kơ phung hđeh ti krĭng taih kbưi dưi mâo hră lehanăn dlăng hră. Mơ̆ng anăn, đru lar bra dhar kreh dlăng hră truh kơ grăp boh ƀuôn čiăng kơ phung hđeh khăp hĭn kơ klei dlăng hră.

VOV4.Êđê - Leh giăm 6 thŭn ngă hdră “Grăp să sa mta mnơ̆ng” pia klah čŭn jing Hdră OCOP, dŭm mta mnơ̆ng dhơ̆ng jiă kma krĭng kwar ti Dak Lak ƀrư̆ dưi mâo anăn knăl leh anăn mâo lu hlăm anôk ba čhĭ. Lu mnơ̆ng dhơ̆ng OCOP ba čhĭ ti ala tač êngao jing leh pô bi ala ba hưn mdah mnơ̆ng dhơ̆ng jăk mơ̆ng Dak Lak hŏng lu phung blei yua ti ala tač êngao.

VOV4.Êđê- Lŏ dơ̆ng rŭ jing ƀuôn sang Đăk Hà ƀrư̆ hruê ƀrư̆ mdrŏng ktang, mrâo mrang, anak mnuih Đăk hà “Bi mguôp, hur har, mbruă, thâo khăp, thâo pap”; mkŏ mjing kdriêk mâo ênŭm hnơ̆ng čuăn krĭng ƀuôn sang mrâo ti thŭn 2025 – jing klei mñă mơ̆ng khua gĭt gai kdriêk Đăk Hà, čar Kon Tum hlăm knăm bi hdơr 30 thŭn hruê mkŏ mjing kdriêk (24/3/1994 - 24/3/2024) mrâo mkŏ mjing.

VOV4.Êđê- Să Ia Tôr, kdriêk Čư̆ Prŏng, čar Gia Lai jing să dleh dlan êdi, mâo lu mnuih ƀuôn sang djuê ƀiă hdĭp mda. Hlăm wưng êgao, bruă Đảng, bruă sang čư̆ êa lehanăn mnuih ƀuôn sang hlăm să bi hgŭm mguôp, pŏk ngă kjăp hdră mkŏ mkra krĭng ƀuôn sang mrâo, mơ̆ng anăn đru bi mlih klei thâo săng, jing tur kjăp kơ mnuih ƀuôn sang mđĭ kyar bruă duh mkra, mđĭ klei hdĭp. Hlăm hdră hruê anei, hmei lač kơ klei gĭr mkŏ mkra krĭng ƀuôn sang mrâo ti alu wăl anei.

VOV4.Êđê - Kdriêk knông lăn Ƀuôn Đon, čar Dak Lak bi lu jơr dŭm mta mnơ̆ng dhơ̆ng hiu čhưn ênguê, hlăm anăn mâo hiu čhưn ênguê mguôp hŏng lŏ hma, krĭng ƀuôn sang. Lu gru hmô hiu čhưn ênguê pla mjing lŏ hma dưi mkŏ mjing, ƀrư̆ mđĭ lar tŭ dưn, jing anôk truh iêô jak klei mđing dlăng tue hiu čhưn, đru mđĭ kyar bruă duh mkra krĭng ƀuôn sang.

VOV4.Êđê - Dŭm klei gĭr lehanăn dŭm hdră msir klei ư̆ êpa, bi hrŏ klei ƀun knap mơ̆ng čar Dak Nông ba wĭt leh boh tŭ dưn klă sĭt hlăm bruă anei. Hlăm 20 thŭn êgao, Dak Nông jing 1 hlăm 10 čar mâo ênoh hrŏ ƀun pral êdi mơ̆ng kluôm ala lehanăn ba akŏ krĭng Lăn dap kngư.

VOV4.Êđê- Kdriêk Phú Thiện jing alŭ wăl mâo lu mnuih djuê ƀiă, jing kdrăn mdiê prŏng hĭn mâo anăn knăl braih tal êlâo ti čar Gia Lai. Mphŭn mơ̆ng Hdră mphŭn 05 - NQ/HU thŭn 2012 mơ̆ng bruă Đảng kdriêk Phú Thiện, truh ară anei, leh êbeh 10 thŭn pŏk ngă mkŏ mjing anăn knăl mdiê braih, Phú Thiện mâo leh dŭm kdrăn lŏ prŏng, mkra mjing hŏng masin, ba klei trei mđao kơ mnuih ƀuôn sang ti dŭm boh ƀuôn.

VOV4.Êđê - Leh giăm 40 thŭn siă suôr hŏng bruă sang hră, thŭn 2018 leh wĭt kơ ƀuôn sang, Liêng Jrang Ha Tương, ti alŭ Đa Tế, să Đạ M’rông, kdriêk Dam Rông, čar Lâm Đồng mâo alŭ wăl đăo knang leh anăn jao bruă klam Khua dlăng bruă Đảng alŭ. Hlăm bruă klam mrâo, ñu tui hriăm hlue ngă Knhuah mngač Hồ Chí Minh, ñu ba anăp, bi hmô hlăm klei mtrŭt mjhar, pŏk ngă dŭm hdră mđĭ kyar bruă duh mkra ala ƀuôn, mkŏ mkra ƀuôn sang ƀrư̆ mdrŏng sah jăk siam.

VOV4.Êđê- Gĭr mlih mrâo lehanăn krơ̆ng kjăp hdră mđĭ lar mjeh mdiê Briêt, Êpul hgŭm bruă bi hrŏ ƀun Êa Sup, kdriêk Êa Sup, čar Dak Lak hlăk lehanăn dôk mđĭ lar gru hmô pla mjing hluê hdră doh ba wĭt boh tŭ bruă duh mkra lu.

VOV4.Êđê- Kñăm mjing ai êwa bi ktưn, khăp kơ ala čar, hur har mă bruă mkra mjing, leh hruê mdei Tết Giáp Thìn, jih jang 10 kdriêk, ƀuôn prŏng ti čar Kon Tum hrăm mbĭt mkŏ mjing trŭn ngă bruă mkŏ mkra krĭng ƀuôn sang mrâo leh anăn ƀuôn prŏng jăk siam.