VOV4.Êđê- Y-Tuyên Ƀuôn Krông (djuê ana Ê Đê, khăng iêô Ama Hà) jing sa čô đảng viên bi hmô ti ƀuôn Drai Hling, să Hòa Xuân, ƀuôn prŏng Ƀuôn Ama Thuôt, čar Dak Lak. Hŏng 30 thŭn ngă bruă ala ƀuôn ti alu wăl, ñu mâo mnuih ƀuôn sang khăp hơiêng leh anăn tui hlue. Hĭn mơh, hŏng bruă klam jing K’iăng khua dlăng bruă đảng, hlŏng ngă Khua ƀuôn leh anăn jing mnuih mâo kơhưm, ñu đru mguôp yuôm bhăn hlăm hdră mkŏ mjing krĭng ƀuôn sang ti alŭ wăl.

VOV4.Êđê- Čar Dak Lak ară anei mâo giăm 2.300 čô hđeh êrĭt êrin, hlăm anăn mâo lu phung hđeh dôk hlăm klei dleh dlan. Hluê hŏng hdră “Amĭ đru rông ba” mâo Êpul hgŭm bruă mniê Việt Nam gưl dlông mtrŭt mjhar, lu phung hđeh êrĭt êrin, amâo anôk jưh knang ti Dak Lak mâo leh klei đru wăt kơ mnơ̆ng dhơ̆ng lehanăn ai tiê klei mĭn. Anei jing “Anôk jưh knang bŏ hŏng klei khăp” đru kơ phung hđeh hgao klei dleh dlan kpưn đĭ hlăm klei hdĭp

VOV4.Êđê- Aguah mbrue 19/10, hlue si mmông alŭ wăl Khua knŭk kna Phạm Minh Chính nao lehanăn blŭ hrăm hŏng phung duh mkra, dlăng klei kuôl kă bruă bi hgŭm phung duh mkra pla wah dua ala čar.

VOV4.Êđê- Êbeh 10 thŭn ngă khua mduôn, Siu Bình, ti ƀuôn Sơn, să Ia Nan, kdriêk Đức Cơ, čar Gia Lai đru mguôp kơ klei bi mlih ƀuôn sang knông lăn hŏng bruă klă klơ̆ng. Hriăm leh anăn hlue Awa, hŏng phung lĭng kahan knông lăn, khua mduôn jih ai tiê hŏng bruă knuă, blŭ mbĭt hŏng bruă ngă, bi hmô hlăm djăp bruă ngă kyÊbeh 10 thŭn ngă khua mduôn, Siu Bình, ti ƀuôn Sơn, să Ia Nan, kdriêk Đức Cơ, čar Gia Lai đru mguôp kơ klei bi mlih ƀuôn sang knông lăn hŏng bruă klă klơ̆ng. Hriăm leh anăn hlue Awa, hŏng phung lĭng kahan knông lăn, khua mduôn jih ai tiê hŏng bruă knuă, blŭ mbĭt hŏng bruă ngă, bi hmô hlăm djăp bruă ngă kyua klei hdĭp mnuih ƀuôn sang.

VOV4.Êđê- Hlăm dŭm thŭn êgao, mŏng djăp ai dưi, klei mâo mŏng Đảng, Knŭk kna, mŏng êpul êya yang ƀuôn, đru leh lu să ti alŭ wăl hlăm kluôm ala ƀrư̆ ƀrư̆ bi leh hdruôm hnơ̆ng čuăn ala čar kơ bruă mkŏ mkra krĭng ƀuôn sang mrâo lehanăn krĭng ƀuôn sang mrâo kdlưn hĭn. Hluê hdruôm hnơ̆ng čuăn ala čar kơ bruă mkŏ mkra krĭng ƀuôn sang mrâo lehanăn krĭng ƀuôn sang mrâo kdlưn hĭn wưng thŭn (2021-2025) mâo lu hnơ̆ng čuăn dleh dưi hluê ngă mkă hŏng wưng êlâo. Hlăm anăn, hnơ̆ng čuăn kơ wăl hdĭp mda dưi tĭng flăng jing “Hdjul” amâo guôn klei duh lu mơ̆ng knŭk kna, ƀiădah jing sa klei dleh hŏng lu alŭ wăl.

VOV4.Êđê-Hdră mkŏ mkra krĭng ƀuôn sang mrâo mâo leh klei tŭ dưn jăk êdi ti čar Dak Nông, ngă bi mlih leh klei jing hlăm krĭng ƀuôn sang.

VOV4.Êđê- 20 thŭn êlâo dih, dŭm čar krĭng Lăn Dăp Kngư hrăm mbĭt hluê ngă klei bi klă mrô 132/2002/QĐ-TTg kơ bruă mkăp brei lăn dôk, lăn pla mjing kơ dŭm gŏ sang mnuih djuê ƀiă. Ti kdriêk Ea Kar, čar Dak Lak, mâo kdrăn lŏ mâo ênhă 250ha dưi mkăp brei kơ giăm 450 gŏ sang hluê si klei bi klă anei. Mơ̆ng anăn truh kơ ară anei, kdrăn lŏ anei đru ba wĭt klei hdĭp mda kơ mnuih ƀuôn sang.

VOV4.Êđê- Grăp krĭng ƀuôn sang Việt Nam mâo dŭm boh tŭ yuôm knhuah dhar kreh djuê ana jăk siam mơ̆ng đưm – mta phŭn bi mklă klei h’ĭt kjăp, jing mngăt êwa mơ̆ng grăp krĭng ƀuôn sang Việt Nam. Ară anei, hlăm hdră mkŏ mkra krĭng ƀuôn sang mrâo, klei bi knar mơ̆ng knhuah hđăp lehanăn mrâo mrang, klei hđăp lehanăn mrâo, dŭm knhuah dhar kreh êbâo thŭn mơ̆ng mnuih ƀuôn sang ti krĭng ƀuôn sang jing ngăn dŏ yuôm bhăn čiăng mkŏ mjing dŭm krĭng ƀuôn sang mlih mrâo hlăm hruê anei

VOV4.Êđê-Tuôm dôk hlăm anăn 62 kdriêk ƀun mơ̆ng kluôm ala, kdriêk krĭng taih kbưi, krĭng mnuih djuê ƀiă Dam Rông, čar Lâm Đồng ară anei mâo klei bi mlih klă mngač. Amâo djŏ knŏng ênoh gŏ êsei ƀun hrŏ ôh, bruă duh mkra- ala ƀuôn đĭ kyar, klei êđăp ênang kđi čar kjăp ƀiădah klei bhiăn dhar kreh ăt dưi mđĭ mkă hŏng êlâo. Dưi mâo klei anei jing kyua pŏk ngă hrăm mbĭt leh anăn tŭ dưn dŭm hdră êlan mđing bi liê krĭng mnuih djuê ƀiă mơ̆ng Đảng leh anăn Knŭk kna hlăm dŭm mta bruă.

VOV4.Êđê- Hlăm hdră mkŏ mkra krĭng ƀuôn sang mrâo, čar Quảng Nam mđĭ hnơ̆ng mkŏ mjing dŭm gru hmô wăl mnuih ƀuôn sang krĭng ƀuôn sang mrâo mta mrâo, đru bi mlih krĭng ƀuôn sang, êlan klông doh mngač siam. Truh ară anei, čar Quảng Nam mkŏ mjing leh 250 đang pla mjing bi hmô, lu jing pla dŭm mta ana boh kroh mâo ênoh yuôm, đru kơ mnuih ƀuôn sang mđĭ boh tŭ bruă duh mkra.