VOV4.Êđê - Să Ia Broăi jing să dleh dlan mơ̆ng kdriê Ia Pa, čar Gia Lai, dŭm thŭn giăm anei mâo leh dŭm klei mlih jăk hlăm bruă bi hrŏ ƀun. Sa hlăm dŭm mta đru mguôp hlăm klei tŭ jing anei jing amai Kpă H'Yư – khua bruă phung mniê să, đru bi mlih klei mĭn, hdră ngă mơ̆ng mnuih ƀuôn sang jing mnuih djuê ƀiă. Amai mâo leh Êpul bruă phung mniê gưl dlông mđup brei hră pah mni.

VOV4.Êđê - Hlăm dŭm thŭn êgao, čar Gia Lai hluê ngă tŭ dưn hdră mtô bruă mă kơ mnuih mă bruă krĭng ƀuôn sang, boh nik kñăm kơ phung êdam êra mnuih djuê ƀiă. Anei jing hdră êlan klă klơ̆ng đru kơ mnuih ƀuôn sang mâo bruă mă, mđĭ hnư hrui wĭt, bi hrŏ ƀun hlăm alŭ wăl.

VOV4.Êđê - Dap kngư Kon Hà Nừng (čar Gia Lai), mâo ênhă êbeh 413 êbâo ha mâo UNESCO tŭ yap jing wăl kriê pioh anôk mnơ’ng dhơ̆ng hdĭp dlông rŏng lăn 2021. Wăl anei êdah êdi hŏng dliê kmrơ̆ng hrông jăk siam snăk. Klei anei dôk pŏk lu klei găl mđĭ kyar hiu čhưn ênguê kjăp kơ êpul êya.

VOV4.Êđê - Wăl krah Măng Đen, kdriêk Kon Plông, čar Kon Tum dưi bi hmô msĕ si ƀuôn siam mtam Lăn Dap Kngư. Dlông êbeh 1.200 mkă hŏng êlah êa ksĭ, yan adiê êđăp, mâo dliê luôm jŭm dar hŏng lu ênao êa, drai êa, hnoh êa, ba kơ Măng Đen klei siam êdah êdi ti Lăn Dap Kngư.

VOV4.Êđê- Hlue ngă Asăp mtrŭn mrô 12 hruê 13/02/2018 mơ̆ng Anôk dlăng bruă Đảng čar Gia Lai, dŭm alŭ wăl ti čar Gia Lai pŏk ngă mkŏ mjing krĭng ƀuôn sang mrâo hlăm krĭng mnuih djuê ƀiă. Lu hdră, gru hmô djŏ guôp dưi hlue ngă. Mơ̆ng anăn, lu alŭ wăl mkŏ mjin leh anôk bruă nah gŭ hrăm mbĭt, prăk hrui wĭt mnuih ƀuôn sang, boh nik mnuih djuê ƀiă đĭ lu. Mĭn tĭng thŭn 2024, kdriêk Kbang ară anei mâo 6 ƀuôn djăp hnơ̆ng čuăn krĭng ƀuôn sang mrâo.

VOV4.Êđê- Bi lar klei găl lăn dliê, mnuih djuê ƀiă ti kdriêk taih kbưi Kbang, čar Gia Lai pla leh dŭm êbâo ha dliê, amâo djŏ knŏng mđĭ hnơ̆ng luôm êyui leh anăn răng mgang wăl hdĭp mda ƀiădah lŏ mđĭ hnư hrui wĭt.

VOV4.Êđê- Čar Kon Tum mâo êbeh 54% mnuih ƀuôn sang jing mnuih djuê ƀiă, hlăm anăn mâo 7 djuê ana lu hĭn jing Sêdang, Bahnar, Jeh Triêng, Jarai, Ƀrâo, Rơmăm leh anăn Hrê. Kčưm mơ̆ng klei čiăng hlăm boh sĭt, mlan 4/2021 čar Kon Tum hluê ngă klei mtrŭt mjhar Bi mlih klei mĭn, hdră ngă mơ̆ng mnuih ƀuôn sang jing mnuih djuê ƀiă, brei kơ digơ̆ tlaih ƀun hŏng klei hơĭt kjăp. Hŏng klei nao hgŭm mơ̆ng bruă kđi čar, truh kơ ară anei găn leh 3 thŭn jĕ giăm hŏng mnuih ƀuôn sang, djă ti kngan, ktrâo bruă, lu knhuah mĭn, hdră ngă hđăp mâo mnuih ƀuôn sang bi mlih, mkŏ mjing klei mlih jăk hlăm klei mă bruă knuă leh anăn klei hdĭp mnuih ƀuôn sang.

VOV4.Êđê- Ti kdriêk Di Linh, čar Lâm Đồng mâo lu mnuih K’Ho hdĭp mda. Hlăm wưng êgao, êngao kơ bruă mkŏ mjing Đảng, mkŏ mjing bruă kđi čar kjăp ktang, bruă mđĭ kyar đảng viên mnuih djuê ƀiă mâo bruă Đảng kdriêk Di Linh uêñ mĭn. Mbĭt hŏng anăn, kyua bi lar jăk bruă klam bi hmô, nao êlâo mơ̆ng đảng viên hlăm bruă mđĭ kyar bruă duh mkra leh anăn klei hdĭp mda, lu ƀuôn êlan mâo klei mlih klă nik, ƀrư̆ ƀrư hgao klei dlen dlan gĭr ktưn mkŏ mjing klei hdĭp mrâo.

VOV4.Êđê - Hlăm dŭm thŭn giăm anei bruă pŏk dŭm adŭ mtô bi hriăm bruă ƀiă hruê hlue si klei čiăng kơ mnuih djuê ƀiă, êdu awăt mâo leh dŭm gưl bruă sang čư̆ êa ti kdriêk Čư̆ Kuin, čar Dak Lak mđing leh anăn ba klei tŭ dưn klă sĭt. Anăn jing hdră mtô ngă lŏ, pơ̆k mñam, rông ŭn, mdơ̆ng sang, khăt ƀuk, bi msiam, tŭk knă… đru phung ƀun ƀin, dleh dlan kpưn đĭ hŏng bruă ngă anei.

VOV4.Êđê – Čar Dak Lak dôk mtrŭt bi hmar hluê ngă dŭm hdră ala čar kñăm mkŏ mkra krĭng ƀuôn sang mrâo, gĭt bi leh hnơ̆ng čuăn hluê si hdră mtrŭn bruă Đảng čar gưl tal 17, wưng thŭn 2021 – 2025 mâo ƀiă êdi 100 să, 4 kdriêk ênŭm hnơ̆ng čuăn krĭng ƀuôn sang mrâo.