Leh 9 thŭn mâo ngă lu mta bruă kñăm mđĭ hnơ̆ng tŭ mơ̆ng bruă mkŏ mkra krĭng ƀuôn sang mrâo, thŭn 2023 să Ea Kao mâo bi leh truh 19/19 ênoh čuăn krĭng ƀuôn sang mrâo ti hnơ̆ng prŏng hĭn tui si mta mtrŭn. Boh tŭ mơ̆ng bruă mkŏ mkra krĭng ƀuôn sang mrâo, mâo bi êdah leh mơ̆ng klei hdĭp mda, mnuih ƀuôn sang, ai tiê mnuih ƀuôn sang amâo mâo mdei dưi lŏ mđĭ, ênoh mâo ba wĭt tĭng kah knar grăp čô mnuih jing êbeh 60 êklăk prăk/thŭn.

Să Ea Kao jing 1 hlăm 4 să mơ̆ng ƀuôn prŏng Ƀuôn Ama Thuôt mâo tŭ yap jing să djăp ênoh čuăn krĭng ƀuôn sang mrâo ti hnơ̆ng prŏng hĭn gưl anei. mđĭ ênoh să djăp ênoh čuăn hlăm ƀuôn prŏng mâo leh 5 boh să. Vũ Văn Hưng, Khua knơ̆ng bruă sang čư̆ êa ƀuôn prŏng Ƀuôn Ama Thuôt lač, ƀuôn prŏng ktưn jih thŭn 2024 ƀuôn prŏng srăng djăp jih 8/8 să djăp ênoh kčah mkŏ mkra krĭng ƀuôn sang mrâo ti hnơ̆ng prŏng hĭn./.