VOV4.Êđê - K’kiêng leh anăn đĭ hriê kơ prŏng ti kdriêk Krông Pa, sa hlăm dŭm krĭng taih kbưi dleh dlan hĭn mơ̆ng čar Gia Lai, nai Kpă Pual amâo mâo mdei ôh klei hriăm kơ pô. Boh nik, ñu jing nai mtô toán, ƀiădah lŏ khăp êdi hŏng klei blŭ djuê ana leh anăn jing sa čô thơ̆ng kơ bruă hlăm bruă anei.

VOV4.Êđê-Hdră kñăm ala čar mkŏ mkra krĭng ƀuôn sang mrâo dôk ba keli tŭ dưn jăk hlăm bruă mđĭ kyar bruă duh mkra, ala ƀuôn ti dŭm ƀuôn sang, dŭm krĭng ƀuôn sang ti ƀuôn prŏng Gia Nghĩa, čar Dak Nông. Jing anôk bruă gưl kdriêk tal êlâo čar Dak Nông truh hdră kñăm krĭng ƀuôn sang mrâo, Gia Nghĩa dôk lŏ dơ̆ng gĭr ktưn hŏng klei gĭr mkŏ mjing dŭm boh ƀuôn sang, krĭng ƀuôn sang kjăp bruă duh mkra, jiă knhuah dhar kreh leh anăn klei khăp.

VOV4.Êđê- Ea Sup jing kdriêk knông lăn mơ̆ng čar Dak Lak mâo yan adiê hlơr, gŏ sang ƀun lu. Hlăm dŭm thŭn êgao, bruă Đảng nah gŭ, bruă sang čư̆ êa kdriêk Ea Sup, čar Dak Lak ngă hdră mbĭt dŭm hdră êlan mđĭ kyar bruă duh mkra – ala ƀuôn, bi hơĭt klei hdĭp mnuih ƀuôn sang, mâo dŭm klei tŭ jing hlăm bruă bi hrŏ ƀun hlăm alŭ wăl.

VOV4.Êđê- Hlăm wưng êgao, dŭm êpul kdrăp mrô ti Dak Lak mđĭ lar jăk bruă klam hâo hưn, ktrâo lač kơ mnuih ƀuôn sang dưm, yua kdrăp mrô hlăm djăp mta bruă hlăm klei hdĭp. Mơ̆ng anăn đru kơ klei mlih mrô ti alŭ wăl mâo klei bi mlih jăk, lu mnuih ƀuôn sang yua leh jăk, tŭ dưn kdrăp yua bruă knŭk kna online čiăng grăp knhuang mkŏ mjing mnuih ƀuôn sang mrô.

VOV4.Êđê - Lu thŭn hŏng anei, ƀuôn prŏng Pleiku, čar Gia Lai hluê ngă hrăm mbĭt dŭm hdră êlan čiăng bi hrŏ ƀun hơĭt kjăp, boh nik uêñ mĭn kơ mnuih ƀuôn sang jing mnuih djuê ƀiă. Dŭm hdră êlan klă klơ̆ng đru bi hơĭt klei hdĭp mơ̆ng mnuih ƀun ƀin hlăm alŭ wăl.

VOV4.Êđê - Thŭn 2021, Êpul khua bruă Đảng ƀuôn prŏng Pleiku mâo leh hdră êlan mrô 31 kơ bruă lŏ dơ̆ng mtrŭt mđĭ bruă bi hrŏ ƀŭn hơĭt kjăp, mđĭ hnơ̆ng klei hdĭp mnuih ƀuôn sang, boh nik ti krĭng mnuih djuê ƀiă hlăm ƀuôn prŏng wưng thŭn 2021 – 2025. Mơ̆ng anăn, dŭm gưl bruă Đảng, Bruă sang čư̆ êa ƀuôn prŏng Pleiku dưi gĭt gai, ktrâo lač leh anăn ngă lu hdră êlan bi hrŏ ƀun leh anăn mâo mă lu boh tŭ dưn.

VOV4.Êđê - Dak Wer, kdriêk Dak Rlâp jing să tal êlâo mơ̆ng čar Dak Nông dưi tŭ yap jing să krĭng ƀuôn sang mrâo mđĭ hnơ̆ng. Bruă mkŏ mkra dưi duh bi liê hrăm mbĭt, klei hdĭp mnuih ƀuôn sang dưi mđĭ hĭn. Ƀĭng ngă lŏ hma ti Dak Wer, boh nik jing mnuih M’nông jhŏng lĭng čan čiăng mđĭ kyar bruă mkra mjing. Djăp gŏ sang mâo nư klei, ƀiădah nư čiăng kơ mdrŏng sah.

VOV4.Êđê - Dŭm hruê anei, bruă Đảng, bruă sang čư̆ êa leh anăn mnuih ƀuôn sang dŭm djuê ƀiă čar Dak Lak dôk kdrưh kơăm mkŏ mjing lu bruă bi hdơr 120 thŭn Hruê mkŏ mjing čar (22/11/1904 – 22/11/2024). Jing krĭng lăn mâo lu ênoh yuôm dhar kreh djuê ana Lăn Dap Kngư hŏng dhar kreh mơ̆ng grăp krĭng kwar kluôm ala; anôk mâo bruă klam yuôm bhăn leh anăn jing anôk phŭn, mđĭ kyar krĭng Lăn Dap Kngư; hŏng klei găl kơ lăn ala, čar Dak Lak dôk gĭr ktưn mkŏ mjing alŭ wăl ƀrư̆ mdrŏng sah, jăk siam.

VOV4.Êđê- Aguah mbrue 20/11, Knơ̆ng bruă sang čư̆ êa ƀuôn prŏng Buôn Ama Thuôt, čar Daklak mkŏ mjing leh knăm hưn mdah să Êa Kao djăp leh ênoh čuăn krĭng ƀuôn sang mrâo ti hnơ̆ng prŏng hĭn thŭn 2023.

VOV4.Êđê- Hlăm wung êgao, lu gưl bruă Đảng nah gŭ ti čar Dak Lak pral, mbruă, păn kjăp klei găl alŭ wăl čiăng kčah hdră msir hlue ngă tŭ dưn hdră mkŏ mkra krĭng ƀuôn sang mrâo. Mơ̆ng anăn, đru mđĭ klei hdĭp mda mnơ̆ng dhơ̆ng, ai tiê mnuih ƀuôn sang.