VOV4.Êđê - Hluê ngă hdră mjut mjing hŏng dŭm boh ƀuôn mnuih ƀuôn sang djuê ana ƀiă, dŭm anôk bruă, êpul êya ti čar Dak Lak mâo leh lu hdră ngă jăk, djŏ guôp hŏng bruă klam thơ̆ng kơ bruă lehanăn klei găl mâo mơ̆ng êpul, djŏ hŏng boh sĭt mơ̆ng dŭm boh ƀuôn. Dŭm êtuh anôk bruă, êpul êya bi mjut mjing mbĭt đru leh kơ mnuih ƀuôn sang gĭr ktưn kpưn đĭ, mđĭ hnơ̆ng tŭ jăk klei hdĭp. Klei bi mguôp sĭt suôr lehanăn klei đua klam mbĭt đru bi kjăp leh klei hgŭm mguôp jih jang mnuih ƀuôn sang.

VOV4.Êđê- Hŏng mnuih Bahnar, klei bhiăn mjut mjing dưi dlăng jing sa bĕ klei krañ kjăp ksiêk kjăp klei hgŭm mguôp, mơ̆ng mnuih amâo kral, amâo djŏ djuê găp jing mnuih jĕ giăm, sa gŏ sang, thâo bi đru, dlăng ba hlăm klei hdĭp. Kñăm mjut mjing dưi ngă hŏng ai tiê čŏng pô, ba boh tŭ yuôm jăk siam, čang hmăng grăp čô mnuih hdĭp thâo bi đru, bi khăp čiăng.

VOV4.Êđê- Mơ̆ng mnơ̆ng dhơ̆ng lui leh, lu phung mniê ti Dak Lak ba yua čiăng mkra mjing mnơ̆ng dhơ̆ng, mâo thiăm prăk hrui wĭt. Bruă ngă anei lŏ đru hlăm bruă răng mgang wăl hdĭp mda, mđing kơ klei ba yua mtah.

VOV4.Êđê- Hlăm dŭm thŭn êgao, dŭm hdră bruă bi lông ktưn khăp kơ ala čar leh anăn klei mtrŭt mjhar mơ̆ng bruă mặt trận čar kwar dŭm gưl ti kdriêk Châu Thành, čar Sóc Trăng leh anăn dŭm êpul bruă pŏk ngă mđĭ lar klei tŭ dưn jăk leh anăn lar bra êlam hlăm êpul mnuih ƀuôn sang yang ƀuôn. Boh nik, bruă mđĭ ktang hlue ngă klei mtrŭt mjhar “Jih jang mnuih ƀuôn sang bi hgŭm mkŏ mjing krĭng ƀuôn sang mrâo, ƀuôn prŏng jăk siam” hŏng klei blŭ “Mă ai mnuih ƀuôn sang kriê dlăng klei hdĭp mda kơ yang ƀuôn” đru bi mlih krĭng ƀuôn sang leh anăn ƀuôn prŏng ti alŭ wăl; klei hdĭp mnơ̆ng dhơ̆ng ai tiê, hnơ̆ng jăk klei hdĭp mda mnuih ƀuôn sang mâo klei bi mlih klă klơ̆ng

VOV4.Êđê - Aguah (3/6), ti Đồng Nai, K’iăng Khua Knŭk kna Trần Lưu Quang nao hlăm knăm hưn mdah kdriêk Xuân Lộc djăp hnơ̆ng čuăn krĭng ƀuôn sang hnơ̆ng kdlưn hĭn thŭn 2023.

VOV4.Êđê- Mơ̆ng dŭm mta mnơ̆ng ƀơ̆ng huăn aguah tlam, mnơ̆ng ƀơ̆ng mơ̆ng mnuih Êđê ară anei dưi ba hlăm dŭm anôk sang huă mnăm ti ƀuôn prŏng Ƀuôn Ama Thuôt, čar Dak Lak, iêo jak lu phung tuê nao huă ƀơ̆ng.

VOV4.Êđê - “Khăp kơ pô mkăn msĕ si khăp kơ drei pô”, lu êpul êya, mnuih mâo ai tiê kmah ti ƀuôn prŏng Pleiku, čar Gia Lai mkŏ mjing leh hlao êsei djam, mnơ̆ng ƀơ̆ng huă amâo mâo mă prăk čiăng đru kơ mnuih ruă lehanăn gŏ sang mnuih ruă mâo klei hdĭp dleh dlan. Bruă ngă tŭ yuôm anăn đru leh kơ mnuih ƀun dul ƀiă klei dleh dlan mbĭt anăn đru lar bra hdră đru kơ mnuih knap mñai hlăm krĭng mnuih ƀuôn sang dôk ti krĭng ƀuôn prŏng čư̆ čhiăng Pleiku.

VOV4.Êđê - Ti čar Gia lai, giăm sa thŭn êgao, grăp mlam, êpul ba anăp “Ktuê êlan êđăp ênang” lŏ hrăm mbĭt mkra êlan, dưm boh tâo lu kdrêč êlan jhat rai, đru lar bra bruă jăk hlăm êpul êya. Dŭm krĭng ƀuôn sang mrâo thiăm êđăp ênang kyua bruă ngă jăk dưi bi lar.

VOV4.Êđê- Alŭ wăl să Măng Bút, kdriêk Kon Plŏng, čar Kon Tum jing anôk phung Prăng, Mi mkŏ mkra kđông kahan ksiêm dlăng dŭm boh ƀuôn mnuih djuê ƀiă, gang mkhư̆ phung kahan mtlaih êngiê lehanăn jing anôk mprăp čiăng nao bi blah čar Quảng Nam, Quảng Ngãi. Hlăm hdră mblah Dưr lăn dap kngư 1954 djŏ hŏng wưng Hdră mblah Điện Biên Phủ, êpul kahan djă phao ktuang kahan hgŭm krĭng 5 lehanăn lĭng kahan Kon Tum mblah mjing leh hdră mblah tŭ dưi Măng Buk mbĭt hŏng hdră mblah Măng Đen, Kon Braih bi kruh rai êpul kahan Prăng ti Dưr lăn dap kngư. Jing alŭ wăl krĭng taih kbưi, lăn ala dleh dlan, ară anei Măng Bút dôk kpưn đĭ kjăp tlaih mơ̆ng klei ƀun knap.

VOV4.Êđê- Ênai čing kwang kdrưh kơăm, kdŏ čhuang êdi êun hŏng asăp muiñ jiă kma čư̆ dliê, djam tam jăk yâo… jing dŭm mta kñăm iêô jak tue hiu čhưn hruê ti Dak Lak hlăm gưl mdei 30/4 leh anăn 1/5 thŭn anei. Dŭm bruă dhar kreh jăk siam anei kruăk knăl klei tŭ jing mơ̆ng klei gĭr mđĭ kyar hiu čhưn ênguê mguôp hŏng dhar kreh êpul êya, mjing klei jăk siam hlăm dŭm krĭng ƀuôn sang Lăn Dap Kngư.