Hlăm wưng nao čhưn, Nguyễn Trọng Nghĩa mâo leh klei blŭ hrăm, bi trông hŏng Khua gĭt gai jing êjai Đảng Cộng sản Argentina Jorge Kreyness; Khua êpul bruă hŏng tač êngao Đảng Klei kpă ênô, khua phŭn bruă lĭng kahan hđăp leh anăn bruă hŏng tač êngao hđăp Jorge Taiana.

Êpul ăt nao hlăm klei kƀĭn trông hŏng akŏ “Khua gĭt gai Hồ Chí Minh leh anăn klei mjĕ giăm Việt Nam – Mi Latino”, myơr mnga ti knưng bi hdơr khua gĭt gai Hồ Chí Minh, nao čuă leh anăn mă bruă hŏng anôk bruă bi ala Việt Nam ti Argentina. Bi kơ klei mjĕ giăm plah wah Việt Nam leh anăn Argentina, dua tĭng bi trông leh anăn tŭ ư lŏ rơ̆ng klei bi trông êpul, mđĭ hĭn klei bi tuôm, mjĕ mjuk plah wah dŭm gưl, dŭm êpul bruă swil, mđĭ hĭn boh tŭ dưn klei bi mguôp dôk mâo, pŏk mlar dŭm hdră bi mguôp mkăn, mđĭ bruă kah mbha klei hưn, klei hriăm hlăm bruă mkŏ mjing Đảng leh anăn mđĭ kyar lăn čar, bi mguôp, sa ai hŏng hdơ̆ng pô hlăm dŭm klei kƀĭn alŭ wăl leh anăn tar rŏng lăn.