Bi klă hlăm mmông mă bruă, Khua gĭt gai Tô Lâm bi mni kơ dŭm boh tŭ dưn dưi mâo leh mơ̆ng Bruă hŏng tač êngao mơ̆ng akŏ wưng păn bruă klei kƀĭn tal 13 mơ̆ng Đảng truh kơ ară anei.

Mñă ktang klei găl leh anăn ai dưi leh 40 thŭn mlih mrâo lăn čar, khua gĭt gai Tô Lâm mñă klă, bruă hŏng tač êngao čŏng pô hmao ƀuh klei găl, klei lông dlăng, mđĭ hĭn klei đru mguôp mơ̆ng bruă hŏng tač êngao hlăm bruă hluê ngă tŭ jing dŭm mta kñăm hdră êlan 100 thŭn ti gŭ klei gĭt gai mơ̆ng Đảng, 100 thŭn mkŏ mjing ala čar Việt Nam, lŏ dơ̆ng pŏk mlar klei đru mguôp mơ̆ng Việt Nam kơ bruă cách mạng tar rŏng lăn, kơ klei êđăp ênang, đĭ kyar mơ̆ng anak mnuih.