VOV.Êđê- Mlan truh, dŭm ƀuôn êlan krĭng knông lăn nah yŭ čar Gia Lai guh mngač kyua pui mtrang êran hŏng pil yang hruê kyua Binh đoàn 15 pŏk ngă hlăm hdră “Mtŭ mngač mtrang ƀuôn sang”. Dŭm pui mtrang amâo djŏ knŏng ba klei mơak, rơ̆ng klei êđăp ênang kơ mnuih ƀuôn sang ôh, ƀiădah lŏ đru mguôp bi mguôp klei khăp ƀuôn sang –lĭng kahan, đru mkŏ mjing knông lăn kjăp ktang ti anôk yuôm bhăn čar kwar.

VOV.Êđê- Să Gào, hlăm ƀuôn prŏng Pleiku êlâo adih, dôk ti nah Yŭ čar Gia Lai, jing krĭng lăn jiă knhuah gru cách mạng. Mđĭ lar knhuah gru jhŏng ktang anăn, ară anei, mơ̆ng sa krĭng ƀuôn sang dôk lu klei dleh dlan, să Gào hlăk lehanăn dôk bi mlih hŏng klei čang hmăng mđĭ kyar kluôm dhuôm, jing gru mngač hlăm hdră mkŏ mkra krĭng ƀuôn sang mrâo lehanăn mđĭ kyar bruă duh mkra – ala ƀuôn.

Êđê- Leh wưng mă bruă hlăm êpul lĭng kahan, wĭt hŏng klei hdĭp aguah tlam, kahan hđăp Đặng Kháng, djuê ana Chăm ti alŭ Bình Hiếu, să Bắc Bình, čar Lâm Đồng (ti čar Bình Thuận êlâo dih) gĭr mă bruă, mkra mjing, mđĭ kyar bruă duh mkra gŏ sang, jing gru mngač êdah êdi kơ klei ngă bruă duh mkra mbruă ti să Bắc Bình, čar Lâm Đồng.

VOV.Êđê - Lu thŭn hŏng anei, đảng viên mda asei mnuih Ê Đê Y Hlý Niê Kdăm, 36 thŭn dôk ti ƀuôn hgŭm Čư̆ Pơ̆ng jih ai tiê ktuh êyuh duh myơr kơ klei jăk siam ƀuôn sang pô, dơ̆ng mơ̆ng bruă điêt msĕ si hwai djah.

VOV.Êđê - Sang krum dlông Êđê mâo anăn “Sang Kathy” ti krah ƀuôn Tuôr, ƀuôn hgŭm Hòa Phú, ti krĭng nah Dhŭng ƀuôn hgŭm Ƀuôn Ma Thuôt, čar Dak Lak jing leh anôk mưng hŏng phung tue hiu čhưn jĕ giăm, taih kbưi. 80% tue hiu čhưn hriê tinei hlăm 2 thŭn êgao jing tue mơ̆ng ala tač êngao, hriê mơ̆ng Prăng, Ăngle, Sweden… Mâo đa đa tue dôk jih sa mlan, mâo êpul tue hriê 1 hruê kăm, dŭm hruê, čhưn dlăng klei hdĭp mnuih ƀuôn sang grăp hruê. Diñu khăp kơ anôk êđăp ênang ti ƀuôn Tuôr hŏng klei hdĭp mda jăk hĭn mnuih Êđê, khăp kơ klei yăl dliê ti djiêô kpur pui leh anăn mơak mñai hŏng phung hđeh điêt hlăm ƀuôn.

VOV.Êđê- Tuôm jing krĭng krŭ kdơ̆ng H5 kjăp ktang hlăm klei bi blah, ară anei să Ea M’Droh, čar Dak Lak mâo leh klei mlih mrâo. Dŭm boh sang prŏng siam ti djiêô sang dlông, êlan bê tông, gŭ drŏng dlông, klei hdĭp mda mnuih ƀuôn sang ƀrư̆ bi mlih. Hdră mkŏ mjing krĭng ƀuôn sang mrâo dôk ba ai ktang mrâo kơ ƀuôn sang krĭng krŭ kdơ̆ng hlăk êlâo dih.

VOV.Êđê - Boh kruê̆ adŭng klĭt mtah mbĭt hŏng dŭm mta mnơ̆ng lŏ hma mkăn smĕ si durian, mtei, ƀơr, kneh ti krĭng mnuih djuê ƀiă lehanăn krĭng čư̆ čhiăng Khánh Hòa dôk mŭt hlăm yan hrui êmiêt hlăk yan adiê jăk găl, mjing klei găl pŏk ngă hdră OCOP lehanăn ba mta mnơ̆ng alŭ wăl truh giăm hĭn hŏng tuê hiu čhưn ƀri knăm 2/9.

VOV.Êđê - Ti Gia Lai, lu phung mda asei dôk ruah klei mphŭn čô̆ kơ bruă mơ̆ng bruă djuê ana ti ƀuôn sang pô. Mơ̆ng hdră anăn, diñu ba klei mrâo mrang hlăm dŭm ênoh yuôm mĭn tĭng srăng luč rai, bi mrâo mnơ̆ng dhơ̆ng hŏng klei mĭn mbruă, đru mkŏ mjing klei duh ƀơ̆ng kjăp leh anăn răng kriê mnơ̆ng dhar kreh ti alŭ wăl. Dŭm klei gĭr kjăp anăn dôk đĭ kyar mơ̆ng hdră êlan đru klă sĭt mơ̆ng alŭ wăl, pŏk êlan nao bŏ hŏng klei čang hmăng hlăm wưng kơ anăp.

VOV.Êđê- Čar Dak Lak dôk pŏk ngă ktang klei mlih mrô, dlăng anei jing hdră msir phŭn čiăng mđĭ boh tŭ ngă bruă mơ̆ng bruă sang čư̆ êa alŭ wăl dua gưl, mđing kơ klei mkŏ mjing bruă sang čư̆ êa mrâo mrang, thơ̆ng, duh kơ mnuih ƀuôn sang ƀrư̆ jăk hĭn. Bruă ba yua kdrăp mrô hlăm êpul êya amâo djŏ knŏng mjing klei găl kơ bruă kriê dlăng, gĭt gai ôh, ƀiădah lŏ đru kơ mnuih ƀuôn sang thâo pral hĭn kơ klei hâo hưn, hdră ngă bruă leh anăn kdrăp mrô klă sĭt. Čiăng dưi ngă klei anei, Dak Lak bi mklă “mnuih ƀuôn sang mrô” jing tur knơ̆ng kơ klei đĭ kyar mrô, kyua anăn dôk mđĭ pral hlue ngă hdră “Mnuih ƀuôn sang hriăm kơ hdră mrô” ba kdrăp mrâo truh giăm hĭn hŏng grăp čô mnuih ƀuôn sang.

VOV4.Êđê - Khua mduôn K’Brệp djuê ana K’Ho ti alŭ Kala Kròt, să Bảo Thuận, čar Lâm Đồng amâo djŏ knŏng ba anăp hlăm bruă mkra mjing ôh, ñu lŏ jing pô mbruă, jih ai tiê mtô mbruă pơ̆k mñam djuê ana K’Ho. Mbĭt anăn, ñu ăt gĭr đru mguôp yuôm bhăn hlăm hdră mkŏ mkra krĭng ƀuôn sang mrâo ti alŭ wăl.