Leh mâo klei bi mŭt mbĭt hŏng Ninh Thuận, Khánh Hòa jing leh krĭng lăn bi klin lu mta klei jăk găl, mâo: Hang ksĭ dlông hĭng ti Việt Nam, mâo wăl hdĭp mda klei kơ êa ksĭ plao ksĭ djăp mta, mâo kplang lehanăn hang ksĭ jăk siam lehanăn hing ang msĕ si sang ksĭ Nha Trang, Vân Phong, Cam Ranh, Ninh Chữ, Vĩnh Hy, mbĭt hŏng lăn mnga êa mơak mơ̆ng čư̆ dliê, kdrăn čuah, lehanăn lu knhuah gru dhar kreh -–hƀuê ênuk yuôm bhăn. Anei jing atur  čiăng kơ čar mđĭ kyar djăp alŭ wăl msĕ si hiu hčưn ênguê mtah, pui kmlă doh, êlan klông doh mtah lehanăn klei hdĭp yang ƀuôn doh siam.

Siămdah, Khánh Hòa dôk jing anôk phŭn kơ tue truh, ênưih lĕ hlăm klei hmăi tuôm hŏng boh klei tar rŏng lăn.

Ti anôk trông čhai, mâo lu phung truăn kơ bruă čang hmăng kơ Khánh Hòa pral mtrŭn dŭm ênoh čuăn kơ bruă hiu čhưn ênguê mtah doh, boh nik truh kơ thŭn 2030 bi mâo 80% sang jưh djăp ênoh čuăn doh siam. Mă klei hriăm mơ̆ng sa alŭ wăl  hiu čhưn ênguê hing ang ti alŭ wăl brei ƀuh, klei mđĭ kyar mtah, mâo klei iêo jak phung tue truh lu hĭn, mbĭt anăn dưi đru mđĭ klei hdĭp mda kơ ƀuôn sang krĭng anăn. Tui si Phạm Minh Nhựt, Khua anôk bruă êpul hgŭm hiu čhưn ênguê Nha Trang- Khánh Hòa, anei yơh jing êlan jăk hĭng mđĭ boh tŭ ai dưi bi ktưn, mjing boh tŭ yuôm bhăn hŏng klei kjăp lehanăn rơ̆ng kơ klei hdĭp mda êdei anăp.

 “Hiu čhưn ênguê mtah doh, klei hiu čhưn ênguê kjăp amâo mâo djŏ knŏng jing klei bi tui tiŏ hmăi mang ôh, ƀiădah bruă knơ̆ng pioh kơ klei mđĭ kyar mơ̆ng phung duh mkr abruă hiu čhưn ênguê.Ti anei phung duh mkra rŭ mdơ̆ng sang jưh, phung duh mkra rŭ mjing wăl anôk hiu chcưn ênguê siam mtah doh, bi mguôp  hŏng bruă răng mgang wăl hdĭp mda hlăm klei kjăp, sitôhmô ba yua djăp mta mnơ̆ng jing găl guôp hŏng bruă bi mdoh wăl hdĭp mda. Lehanăn ngă djăp mta bruă hrui êmiêt bi mdoh nanao djah djâo”.

Nguyễn Long Biên, K’iăng khua knơ̆ng bruă sang čư̆ êa čar Khánh Hòa lač, čar srăng mâo dŭm hdfră êlan klă mngač kơ bruă ngă, iêo jak ai dưi mơ̆ng yang ƀuôn, mđĭ ai phung duh mkra duh bi liê, lehanăn bi mguôp hŏng jih jang klei bi mguôp hŏng hdră êlan mơ̆ng gưl dlông pioh bi leh pral dŭm mta kñăm jing anôk hiu čhưn ênguê mtah doh kluôm dhuôm:

 “Khánh Hòa čang hmăng lŏ dơ̆ng mâo klei mdidng uêñ, sa ai mbĭt hŏng gưl dlông, hŏng phung duh mkra, phung truăn kơ bruă lehanăn yang ƀuôn bi êdah bruă hlue ngă dŭm klei hmăng hmưi dưi jing anôk phŭn bruă hiu čhưn ênguê êa ksĭ hŏng tač êngao, ƀuôn prŏng mtah – thâo  mĭn, êlan klông siam – kjăp, đru hlăm klei bi sĭt mta kñăm đĭ kyar bruă duh mkra truh dua ênoh hlăm wưng thŭn  2025 – 2030”./.