VOV.Êđê- Hlăm klei hdĭp mda krĭng mnuih djuê ƀiă čar Dak Lak, hŏng bruă kđi čar nah gŭ, êpul mâo kơhưm mâo bruă klam yuôm bhăn hlăm bruă mđĭ êpul bi hgŭm djuê ana, răng mgang klei êđăp ênang leh anăn mđĭ kyar bruă duh mkra- ala ƀuôn. Diñu dưi bi hmô msĕ si “anôk knang êun” ƀiădah kjăp hlăm ai tiê mnuih ƀuôn sang, jing kban mkŏ đăo knang plah wah gưl bruă Đảng, bruă sang čư̆ êa hŏng mnuih ƀuôn sang ti nah gŭ.

VOV.Êđê- Leh gưl adiê hjan hƀuê ênuk, hang ksĭ Nha Trang dưi bi mdoh, rơ̆ng êđăp ênang leh anăn ngă bruă hiu čhưn ênguê lŏ wĭt msĕ aguah tlam. Hnag ksĭ mtah, hdră bruă mtluk mtlak, tue hiu čhưn lu brei ƀuh ai iêô jak tue hiu čhưn ênguê mơ̆ng anôk truh mrô sa Khánh Hòa.

VOV.Êđê- Ƀuôn Canh Tiến, să Canh Vinh, čar Gia Lai mâo lu mnuih djuê ana ƀiă hdĭp mda. Mơ̆ng mlan 4 thŭn anei, hlăk êlan pui kmlă ala čar dưi guh mngač ti krah ƀuôn krĭng čư̆ čhiăng dleh dlan, sa klei hdĭp mrâo klă sĭt dưi pŏk. Knŏng êbeh mkrah thŭn, pui kmlă ba wĭt leh boh kdrŭt đĭ kyar kơ mnuih ƀuôn sang tinei.

VOV.Êđê- Duh bi liê anôk bruă nah gŭ sang mnia jing knhuang yuôm bhăn hlăm hdră mđĭ kyar bruă mnia blei krĭng čư̆ čhiăng čar Quảng Ngãi. Mbĭt hŏng klei bi leh hdră kčah, iêô jak prăk bi liê ala ƀuôn leh anăn pŏk ngă hdră kñăm ala čar, alŭ wăl dôk grăp knhuang mkŏ mjing sang mnia mrâo mtang, mguôp mkra mjing hŏng ba čhĭ, đru kơ mnuih ƀuôn sang krĭng čư̆ čhiăng mđĭ prăk hrui wĭt, klei hdĭp mda.

VOV.Êđê- Leh 4 mlan hluê ngă gru hmô bruă knŭk kna alŭ wăl dua gưl, dŭm alŭ wăl ti čar Quảng Ngãi rơ̆ng kjăp hdră mă bruă. Khă snăn, hlăm wưng tal êlâo ngă bruă, lu anôk ăt dleh dlan djŏ tuôm kơ mnuih mă bruă, klei thâo kơ bruă lehanăn hdră kdrăp hâo hưn. Čar Quảng Ngãi dôk pŏk ngă dŭm hdră msir ruh mtlaih, đru kơ anôk bruă ngă bruă tŭ dưn hĭn.

VOV.Êđê- Dŭm thŭn êgao, kyua pŏk ngă kjăp Hdră mtrŭn bi hrŏ ƀun mơ̆ng Knŭk kna msĕ si: Đru kơ hdră duh ƀơ̆ng, lăn dôk, lăn pla mjing, sang dôk… ti krĭng mnuih djuê ƀiă, dŭm êbâo gŏ sang ti lu să hlăm wăl krah Ayŭn Pa hđăp, čar Gia Lai ƀrư̆ tlaih mơ̆ng ƀun. Hlăm dŭm hdră bruă dưi pŏk ngă, hdră mtrŭn đru kơ êmô ana mđai čiăng kơ mnuih ƀuôn sang mđĭ bruă rông mnơ̆ng ba wĭt leh boh tŭ dưn klă sĭt. Kyua gĭr rông êmô, lu gŏ sang ba wĭt leh lu boh tŭ dưn, mđĭ hnư hrui wĭt lehanăn tlaih kơ ƀun hơĭt kjăp.

VOV.Êđê Plei Pông, să Čư̆ A Thai, čar Gia Lai êlâo dih jing krĭng krŭ kdơ̆ng. Ngă hdră êlan mkŏ mkra krĭng ƀuôn sang mrâo hlăm krĭng mnuih djuê ƀiă, plei Pông dưi ruah jing ƀuôn sang mrâo bi hmô. Hlăm dŭm thŭn êgao, hŏng klei mđing uêñ mơ̆ng Đảng leh anăn Knŭk kna, mnuih ƀuôn sang ti krĭng krŭ kdơ̆ng Plei Pông mđĭ lar ai tiê bi hgŭm, gĭr ktưn.

VOV.Êđê Kbưi hŏng ƀuôn prŏng Pleiku hlăm brô 30 km, ƀuôn Kép, să Ia Ly, čar Gia Lai hlăm dŭm thŭn giăm anei jing leh anôk juăt mưng mơ̆ng phung tue hiu čhưn ênguê hlăm lehanăn êngao ala čar. Amâo djŏ knŏng mâo lăn adiê čư̆ dliê jăk siam, ƀiădah tinei hlăk dôk krŭ wĭt hdră dhar kreh, ƀuôn bruă djuê ana đưm mơ̆ng mnuih djuê ana Jarai, dưi krŭ wĭt lehanăn ƀhur êwa mrâo hlăm hdră hiu čhưn ênguê êpul êya. Pô đru krơ̆ng kjăp êlah pui anei jing amai H’Uyên Niê, sa čô mniê jih ai tiê hrăm mbĭt hŏng mnuih buôn sang dôk gĭr kriê pioh lehanăn mđĭ lar knhuah djuê ana mơ̆ng đưm.

VOV.Êđê- Hŏng ai tiê ba anăp mơ̆ng mnuih đảng viên, Kơ Să Ha El ti să Lạc Dương, čar Lâm Đồng amâo djŏ knŏng bi leh êdah kdlưn bruă klam hlăm hdră mă bruă, ƀiădah ñu lŏ duh myơr jih ai tiê pô kơ ƀuôn sang. Ñu jing gru mngač hlăm hdră mtrŭt mjhar mnuih ƀuôn sang mkra êlan, mđĭ kyar bruă duh mkra pla mjing, mkŏ mkra krĭng ƀuôn sang mrâo.

VOV.Êđê- Čar Dak Lak mkŏ mjing leh tŭ dưn Klei bi kƀĭn bruă Đảng gưl 1 lehanăn dôk hlăm dŭm hruê tal êlâo mơ̆ng wưng păn bruă mrâo, klei đua klam mrâo. Anăn jing mjing mjing wăl anôk đĭ kyar prŏng mơ̆ng krĭng čư̆ čhiăng truh kơ êa ksĭ, mjing boh kdrŭt ktang kơ wưng đĭ kyar kơ anăp. Dŭm bruă ngă klă klơ̆ng mâo leh čar dôk pŏk ngă kjăp, mjing boh kdrŭt kơ wưng đĭ kyar mrâo.