VOV4.Êđê - Bi mklă bruă đảng ktang jing mơ̆ng anôk bruă đảng nah gŭ jăk, phung đảng viên jăk, hlăm wưng êgao, bruă Đảng să Yang Bắc, kdriêk Đăk Pơ, čar Gia lai ngă leh hrăm mbĭt, tŭ dưn hdră msir mđĭ hnơ̆ng jăk mkŏ mjing Đảng, knuă druh, đảng viên. Kyua anăn, bruă đảng tinei mâo leh klei bi mlih prŏng, boh đru kơ mnuih djuê ƀiă Bahnar tlaih ƀun pral, hơĭt kjăp, mjing klei mngač ti krĭng krŭ kdơ̆ng anei.

VOV4.Êđê-Dŭm thŭn êgao, Dŭm thŭn êgao, bi hrŏ ƀun hŏng klei kjăp jing sa hlăm dŭm bruă klam phŭn mơ̆ng ƀuôn prŏng Pleiku, čar Gia Lai. Lu klei bi hmô đru kơ hdră duh ƀơ̆ng dưi bi lar boh tŭ dưn, đrơ mnuih ƀuôn sang tlaih ƀun leh anăn bi hơĭt klei hdĭp mnuih ƀuôn sang. Sa hlăm dŭm klei bi hmô êdah êdi jing “Hdră bi lu jơr hdră duh ƀơ̆ng, mđĭ kyar klei bi hmô bi hrŏ ƀun” dưi đru kơ lu gŏ sang dleh dlan kpưn đĭ.

VOV4.Êđê- Mơ̆ng akŏ thŭn 2023, hlue si Hdră mtrŭn 148/QĐ-TTg mơ̆ng Khua Knŭk kna, hdră hiu čhưn ênguê êpul êya, hiu čhưn dlăng anôk jăk siam leh anăn anôk hiu čhưn ênguê jing sa hlăm 66 êpul mnơ̆ng dhơ̆ng mơ̆ng Hdră grăp sa mta mnơ̆ng (OCOP). Khădah snăn, kyua kƀah klei bi hgŭm čiăng êdi, leh êbeh 1 thŭn mkrah pŏk ngă, Dak Lak ăt ka dưi mkŏ mjing ôh mnơ̆ng dhơ̆ng OCOP hiu čhưn ênguê.

VOV4.Êđê- Hlue ngă Hdră mtrŭn mrô 07-NQ/TU hruê 03/3/2003 mơ̆ng Anôk dlăng bruă Đảng čar Dak Lak kơ “Mđĭ hĭn klei Đảng gĭt gai ti alŭ, ƀuôn, êpul mnuih ƀuôn sang”, 20 thŭn êgao čar mâo leh 1.780 anôk bruă, anôk bruă duh mkra bi mjing 556 ƀuôn mnuih djuê ƀiă. Mơ̆ng anăn, dŭm êbâo hdră bruă, kdrêč bruă mâo phung knuă druh, lĭng kahan ti dŭm anôk bruă bi mjing hrăm mbĭt hlue ngă, đru mđĭ klei bi hgŭm jih jang djuê ana, đru kơ mnuih ƀuôn sang gĭr ktưn, mđĭ klei hdĭp mda.

VOV4.Êđê- Hluê ngă hdră “Amĭ Pô rông” mơ̆ng Êpul bruă phung mniê Việt Nam mtrŭt mjhar, dŭm gưl bruă phung mniê čar Lâm Đồng mâo dŭm bruă ngă tŭ dưn, klă jing, jing anôk knang kơ phung hđeh êrĭt amĭ ama. Hluê anăn, đru kơ phung hđeh mâo klei khăp, mâo boh kdrŭt kpưn đĭ.

VOV4.Êđê- Hlăm thŭn 2020, ƀuôn prŏng Gia Nghĩa jing anôk bruă gưl kdriêk tal êlâo ti čar Dak Nông truh hdră kñăm ala čar mkŏ mkra krĭng ƀuôn sang mrâo hŏng 2/2 să djăp hnơ̆ng čuăn. Mŭt hlăm wưng mrâo, Gia Nghĩa lŏ kčah hdră kñăm gĭr ktưn lu hĭn hŏng klei gĭr mkŏ mkra krĭng ƀuôn sang mâo bruă duh mkra kjăp, jiă kma knhuah leh anăn klei khăp. Dŭm klei iêô mthưr, hdră ngă dưi pŏk ngă hŏng klei blŭ “Mnuih ƀuôn sang thâo, mnuih ƀuôn sang bi trông, mnuih ƀuôn sang ngă, mnuih ƀuôn sang ksiêm dlăng” ba leh lu klei tŭ dưn sĭt.

VOV4.Êđê- Aguah mbruê, ti Hà Nội, Khua gĭt gai Tô Lâm gĭt gai mmông mă bruă hŏng êpul khua bruă Đảng Phŭn bruă hŏng tač êngao kơ bruă hluê ngă hdră êlan hŏng tač êngao Klei kƀĭn tal 13 mơ̆ng Đảng leh anăn mđĭ kyar bruă hŏng tač êngao hlăm wưng kơ anăp.

VOV4.Êđê- Wăl krŭ kdơ̆ng H9 čar Dak Lak wưng bi kdơ̆ng Mi, ară anei jing alŭ wăl 4 să krĭng taih kbưi kdriêk Krông Bông mâo: Čư̆ Pui, Čư̆ Drăm, Yang Mao leh anăn Hòa Phong. Hŏng ai tiê kjăp sĭt suôr mnuih Êđê, MNông, hŏng čư̆ dlông Čư̆ Yang Sin, H9 jing anôk đru kơ bruă đảng čar Dak Lak wưng 1965-1975. Mđĭ lar knhuah gru krŭ kdơ̆ng, krĭng H9 mâo leh keli đĭ kyar kluôm leh anăn dôk bi mlih grăp hruê.

VOV4.Êđê- Lač kơ phung mâo kơhưm hlăm krĭng mnuih djuê ƀiă, grăp čô bi mĭn mtam kơ phung khua mduôn, phung khua thŭn. Khădah snăn, hŏng mnuih ƀuôn sang ti ƀuôn Labouye A, să Lạc Xuân, kdriêk Đơn Dương, čar Lâm Đồng, mnuih mâo kơhưm mâo mnuih ƀuôn sang mpŭ knŏng mrâo êbeh 40 thŭn. Anăn jing Ya Dũng, sa čô đảng viên mda asei leh anăn jing khua ƀuôn. Ya Dũng mâo mnuih ƀuôn sang đăo knang jing kyua hlăm djăp bruă, ñu jing nanao pô ba anăp.

VOV4.Êđê- Tŭ klei iêo jak mơ̆ng Đảng Cộng sản Argentina, êpul bi ala gưl dlông Đảng drei mơ̆ng Khua êpul bruă hâo hưn gưl dlông Nguyễn Trọng Nghiã jing khua êpul nao čhưn, mă bruă ti Argentina mơ̆ng hruê 21 – 24/8/2024.