VOV4.Êđê- Lu thŭn anei, Êpul kahan hđăp wăl krah Ayun Pa, čar Gia Lai hlue ngă tŭ dưn hdră “Phung kahan hđăp bi hmô” hlăm bruă mkŏ mjing leh anăn mđĭ kyar bruă duh mkra. Hŏng ai tiê amâo uêñ kơ klei dleh dlan, lu phung kahan hđăp jing leh gru mngač hlăm bruă mkra mjing, mđĭ kyar bruă duh mkra gŏ sang, lar bra klei khăp mă bruă hlăm êpul êya mnuih ƀuôn sang ti alŭ wăl.

VOV4.Êđê- Hlăm 2 hruê kăm mkŏ mjing hdră yan mdei prŏng mtah ti Dak Lak, dŭm êpul êdam êra ba anăp hrăm mbĭt hŏng bruă sang čư̆ êa alŭ wăl bi leh lu hdră, bruă ngă klă sĭt. Klei pral kdal, jih ai tiê leh anăn ai tiê ba anăp, amâo uêñ kơ klei dleh dlan, suăi êmăn, phung êdam êra ba leh klei jăk mơak hlăm ai tiê mnuih ƀuôn sang krĭng ƀuôn sang Dak Lak.

VOV4.Êđê- Hlăm dŭm thŭn êgao, kdriêk Ia Grai, čar Gia Lai, kƀĭn klei găl leh anăn mtrŭt mjhar mnuih ƀuôn sang myơr lăn čiăng pŏk ngă dŭm hdră bruă êlan klông. Anei ăt jing kdriêk tal êlâo mơ̆ng čar ba bruă mtrŭt mjhar lăn mkra êlan hlăm hdră mtrŭn mơ̆ng bruă Đảng kdriêk leh anăn mkŏ mjing dŭm anôk bruă gĭt gai hjăn kơ klei myơr lăn mkra êlan. Mơ̆ng klei tŭ ư mơ̆ng jih bruă kđi čar leh anăn klei mđing, tŭ ư mơ̆ng mnuih ƀuôn sang, lu êlan mlir krĭng, mlir să dưi bi leh, đru kơ krĭng ƀuôn sang mrâo ƀrư̆ mlih mrâo.

VOV4.Êđê - Hluê ngă hdră mjut mjing hŏng dŭm boh ƀuôn mnuih ƀuôn sang djuê ana ƀiă, dŭm anôk bruă, êpul êya ti čar Dak Lak mâo leh lu hdră ngă jăk, djŏ guôp hŏng bruă klam thơ̆ng kơ bruă lehanăn klei găl mâo mơ̆ng êpul, djŏ hŏng boh sĭt mơ̆ng dŭm boh ƀuôn. Dŭm êtuh anôk bruă, êpul êya bi mjut mjing mbĭt đru leh kơ mnuih ƀuôn sang gĭr ktưn kpưn đĭ, mđĭ hnơ̆ng tŭ jăk klei hdĭp. Klei bi mguôp sĭt suôr lehanăn klei đua klam mbĭt đru bi kjăp leh klei hgŭm mguôp jih jang mnuih ƀuôn sang.

VOV4.Êđê- Hŏng mnuih Bahnar, klei bhiăn mjut mjing dưi dlăng jing sa bĕ klei krañ kjăp ksiêk kjăp klei hgŭm mguôp, mơ̆ng mnuih amâo kral, amâo djŏ djuê găp jing mnuih jĕ giăm, sa gŏ sang, thâo bi đru, dlăng ba hlăm klei hdĭp. Kñăm mjut mjing dưi ngă hŏng ai tiê čŏng pô, ba boh tŭ yuôm jăk siam, čang hmăng grăp čô mnuih hdĭp thâo bi đru, bi khăp čiăng.

VOV4.Êđê- Mơ̆ng mnơ̆ng dhơ̆ng lui leh, lu phung mniê ti Dak Lak ba yua čiăng mkra mjing mnơ̆ng dhơ̆ng, mâo thiăm prăk hrui wĭt. Bruă ngă anei lŏ đru hlăm bruă răng mgang wăl hdĭp mda, mđing kơ klei ba yua mtah.

VOV4.Êđê- Hlăm dŭm thŭn êgao, dŭm hdră bruă bi lông ktưn khăp kơ ala čar leh anăn klei mtrŭt mjhar mơ̆ng bruă mặt trận čar kwar dŭm gưl ti kdriêk Châu Thành, čar Sóc Trăng leh anăn dŭm êpul bruă pŏk ngă mđĭ lar klei tŭ dưn jăk leh anăn lar bra êlam hlăm êpul mnuih ƀuôn sang yang ƀuôn. Boh nik, bruă mđĭ ktang hlue ngă klei mtrŭt mjhar “Jih jang mnuih ƀuôn sang bi hgŭm mkŏ mjing krĭng ƀuôn sang mrâo, ƀuôn prŏng jăk siam” hŏng klei blŭ “Mă ai mnuih ƀuôn sang kriê dlăng klei hdĭp mda kơ yang ƀuôn” đru bi mlih krĭng ƀuôn sang leh anăn ƀuôn prŏng ti alŭ wăl; klei hdĭp mnơ̆ng dhơ̆ng ai tiê, hnơ̆ng jăk klei hdĭp mda mnuih ƀuôn sang mâo klei bi mlih klă klơ̆ng

VOV4.Êđê - Aguah (3/6), ti Đồng Nai, K’iăng Khua Knŭk kna Trần Lưu Quang nao hlăm knăm hưn mdah kdriêk Xuân Lộc djăp hnơ̆ng čuăn krĭng ƀuôn sang hnơ̆ng kdlưn hĭn thŭn 2023.

VOV4.Êđê- Mơ̆ng dŭm mta mnơ̆ng ƀơ̆ng huăn aguah tlam, mnơ̆ng ƀơ̆ng mơ̆ng mnuih Êđê ară anei dưi ba hlăm dŭm anôk sang huă mnăm ti ƀuôn prŏng Ƀuôn Ama Thuôt, čar Dak Lak, iêo jak lu phung tuê nao huă ƀơ̆ng.

VOV4.Êđê - “Khăp kơ pô mkăn msĕ si khăp kơ drei pô”, lu êpul êya, mnuih mâo ai tiê kmah ti ƀuôn prŏng Pleiku, čar Gia Lai mkŏ mjing leh hlao êsei djam, mnơ̆ng ƀơ̆ng huă amâo mâo mă prăk čiăng đru kơ mnuih ruă lehanăn gŏ sang mnuih ruă mâo klei hdĭp dleh dlan. Bruă ngă tŭ yuôm anăn đru leh kơ mnuih ƀun dul ƀiă klei dleh dlan mbĭt anăn đru lar bra hdră đru kơ mnuih knap mñai hlăm krĭng mnuih ƀuôn sang dôk ti krĭng ƀuôn prŏng čư̆ čhiăng Pleiku.