Ti ƀuôn Chăm Lâm Thuận, ƀuôn hgŭm Hàm Thuận Bắc, čar Lâm Đồng, Thông Long dưi thâo jing sa čô mnuih thâo ayŭ ki saranai hing ang êdi. Amâo mâo djŏ knŏng dŭm anăn, ñu lŏ mtô bruă anei lŏ phung hđeh hlăm ƀuôn, đru kơ mnuih  Chăm kriê pioh kdrăp pĕ tông djuê ana pô, jing sa kdrêč hlăm klei kriê pioh knhuah dhar kreh djuê ana.
Aduôn Thông Thị Hạnh, Khua anôk bruă mặt trân ƀuôn Lâm Thuận, ƀuôn hgŭm Hàm Thuận Bắc, brei thâo, awa Long amâo mâo djŏ knŏng jing sa čô mnuih thâo bi hmô hlăm bruă duh ƀơ̆ng, mkŏ mkra krĭng ƀuôn sang mrâo, ƀiădah lŏ jih ai tiê hgŭm hlăm bruă mkŏ mjing Đảng, rŭ mdơ̆ng bruă kđi čar, răng kriê lehanăn mđĭ bi lar knhuah gru dhar kreh djuê ana Chăm.
“Êlâo dih gŏ sang Thông Long dôk hlăm klei dleh dlan mơh, ƀiădah hŏng keli thâo gĭr snăn ară anei klei hdĭp ñu kjăp hĭn leh. Awa Long thâo djă pioh knhuah gru dhar kreh pô hlăm anăn mâi ki saranai, lehanăn lŏ mtô anak čô thâo ayŭ ki saranai hlăm dŭm knăm mơak ƀuôn sang. Ară anei ñu mâo leh lu mnuih tui hriăm ayŭ ki saranai”.

Ară anei khădah thŭn leh khua mta mmăt, ƀiădah awa Thông Long ăt dôk gĭr jih ai tiê, hu har hlăm bruă yang ƀuôn mnuih Chăm tinei. Mbĭt hŏng klei mâo klei đru mguôp mơ̆ng Êpul kiă kriê ƀuôn Lâm Thuận, ƀuôn hgŭm Hàm Thuận Bắc, ñu lŏ djŏ ruah jing khua mduôn, jing pô kiă kriê djăp mta bruă ngă yang kơ Pô Chei tinei, đru bi kriê pioh knhuah gru dhar kreh djuê ana Chăm hlăm ƀuôn.

Hlăm yan mdei prŏng, awa Thông Long kreh mkŏ mjing adŭ mtô bi hriăm ayŭ ki saranai hmư̆ pătdah msĕ si hơăi mang amâo mâo dleh ôh, ƀiădah ayŭ čiăng bi djŏ hŏng ênai hgơr ghi năng, paranưng snăn mnuih ayŭ brei mâo klei thâo. Awa Thông Long lač, khădah mnuih hriăm ka thâo yap jih ôh hŏng kđiêng gư̆, ƀiădah ñu bŏ hŏng klei mơak lehanăn mtô jih ai tiê. Ară anei mnuih ñu dôk mtô ayŭ ki saranai dưi lŏ hrô leh ñu nao ayŭ hlăm dŭm knăm mkŏ mjing hlăm ƀuôn sang.
 “Kâo tui hriăm ayŭ ki saranai mơ̆ng sui leh, kyua mâo klei thâo săng leh mơ̆ng êlâo snăn pral mơh hlăm klei tui hriăm. Kâo ayŭ ki saranai mơ̆ng hlăk anăn truh kơ ară anei, mgi dih kâo srăng lŏ mtô bi hriăm kơ phung hđeh hlăm ƀuôn, anak čô hlăm gŏ sang. Kâo čang hmăng dưi kriê pioh knhuah gru dhar kreh mnuih djuê ana Chăm pô, đăm luič ram ôh, lehanăn čang hmăng kơ phung anak čô mgi dih lŏ čuê bi jăk, djă pioh eneŭm knhuah gru dhar kreh aduôn aê pô mơ̆ng đưm, bi kriê pioh knhuah gru dhar kreh djuê ana Chăm knư̆ hrue knư̆ jăk hĭn”.)
Hŏng mnuih djuê ana Chăm, ênai ki saranai jing sa ênai yuôm bhăn, djŏ tuôm hŏng anak mnuih lehanăn klei hdĭp yang adiê. Ênai ki anăn amâo srăng luič ôh, kyuadah mâo leh phung anak čô, amuôn adei lŏ tui hriăm mơ̆ng ñu bi kriê pioh. Êjai ênai ki saranai kwang mbĭt hŏng ênai hgơr ghi năng, paranưng hlăm krah ƀuôn sang  Chăm jing klei kwang mơ̆ng ênai kwang mơ̆ng klei hdĭp djuê ana, truh hŏng grăp čô mnuih kơ bruă klam kriê pioh knhuah gru dhar kreh găn leh hlăm dŭm ênuk, bi kriê pioh ênai saranai lehanăn čang hmăng kơ sa klei hdĭp êđăp ênang lehanăn jăk mơak./.