Mơ̆ng leh pŏk ngă hdră bruă (7/7) truh ară anei, čar Dak Lak mâo 53 hdră bruă, hdră bruă phŭn ti nah Ngŏ leh anăn nah Yŭ dưi pŏk ngă ruh mgaih anôk ala. Truh ară anei, 3 hdră bruă bi leh 100% anôk ala, 50 hdră bruă mâo  hlăm brô 90%. Hlăm ênoh mâo êbeh 90% mâo hdră bruă prŏng, msĕ si Êlan dơ̆ng êran pral Khánh Hòa – Ƀuôn Ama Thuôt kdrêč 3 leh anăn Hdră bruă ktuê êlan hang ksĭ Phú Yên…

Phạm Ngọc Hùng, K’iăng Khua Knơ̆ng bruă lŏ hma leh anăn Wăl hdĭp mda čar Dak Lak (hlăm Êpul đru kčĕ kiă kriê) brei thâo, 5 êpul mă bruă kyua Knơ̆ng bruă sang čư̆ êa mkŏ mjing hmao ruh mgaih lu hdră bruă dleh dlan, sui lu thŭn. Bruă ruh mgaih anôk ala bi mlih mơ̆ng dôk čang guôn jing mprăp êlâo hlue si hdră kčah, mđĭ pral jao anôk ala leh anăn bi liê prăk tla hnô.